From Wikipedia, the free encyclopedia
Plaid lywodraethol Gweriniaeth Pobl Ddemocrataidd Corea (Gogledd Corea) yw Plaid Gweithwyr Corea, a'r unig blaid wleidyddol swyddogol yn y wladwriaeth honno.
 | |
| Enghraifft o'r canlynol | plaid wleidyddol  |
|---|---|
| Idioleg | Kimilsungism–Kimjongilism |
| Dechrau/Sefydlu | 30 Mehefin 1949, 28 Awst 1946 |
| Pennaeth y sefydliad | Ysgrifennydd Cyffredinol |
| Sylfaenydd | Kim Il-sung |
| Rhagflaenydd | Plaid Gweithwyr Gogledd Corea |
| Pencadlys | Kim Il-sung Square |
| Enw brodorol | 조선로동당 |
| Gwladwriaeth | Gogledd Corea |
| Gwefan | http://www.rodong.rep.kp |
 Ffeiliau perthnasol ar Gomin Wicimedia | |
Sefydlwyd Plaid Gweithwyr Corea dan arweiniad Kim Il-sung yn Awst 1946.
Yn niwedd y 1990au dechreuodd grym Plaid y Gweithwyr wanhau ychydig o ganlyniad i'r polisi sŏngun a gyflwynwyd gan Kim Jong-il, a wnâi ddyrchafu'r lluoedd arfog yn uwch na'r blaid. Fodd bynnag, mae'r blaid o hyd yn rheoli'r economi ac yn trefnu gweithgareddau cymdeithasol y bobl.
Awdurdod uchaf y blaid ydy'r gyngres, a arweinir gan bwyllgor canolog etholedig. Cynhaliwyd cyngres y blaid bob pum mlynedd hyd at y Bumed Gyngres ym 1970; ers hynny, cafwyd y Chweched Gyngres ym 1980 a'r Seithfed Gyngres yn 2016. Penderfynir ar bolisïau'r blaid gan y Biwro Gwleidyddol.[1]
Yn swyddogol, mae aelodaeth Plaid Gweithwyr Corea yn agored i bob dinesydd. Mewn gwirionedd, mae'n rhaid i aelodau gydymffurfio â safonau o ran ffyddlondeb gwleidyddol a dosbarth cymdeithasol. Gweithwyr diwydiannol sydd yn cyfri am y nifer fwyaf o'r aelodau; yn ail, y gwerinwyr neu ffermwyr yw'r gyfran fwyaf, ac yna'r "deallusion" (gweithwyr swyddfa). Er gwaethaf ideoleg gomiwnyddol Gogledd Corea, mae aelodau Plaid y Gweithwyr yn derbyn breintiau wrth ddosbarthu bwyd, tai, a darpariaeth addysg.[1]
Mae Plaid Gweithwyr Corea yn arddel Juche, ideoleg wladwriaethol Gogledd Corea, sydd yn cyfuno comiwnyddiaeth â chenedlaetholdeb.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
