![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d3/Phra_Ajan_Jerapunyo-Abbot_of_Watkungtaphao..jpg/640px-Phra_Ajan_Jerapunyo-Abbot_of_Watkungtaphao..jpg&w=640&q=50)
Myfyrdod Bwdhaidd
From Wikipedia, the free encyclopedia
Modd o fyfyrdod crefyddol a ddefnyddir ym Mwdhaeth i geisio cyrraedd rhyddid ysbrydol nirfana yw myfyrdod Bwdhaidd. Gelwir y gwrthrych sylw yn kammatthana.
![Thumb image](http://upload.wikimedia.org/wikipedia/commons/thumb/d/d3/Phra_Ajan_Jerapunyo-Abbot_of_Watkungtaphao..jpg/640px-Phra_Ajan_Jerapunyo-Abbot_of_Watkungtaphao..jpg)
Ceir pedwar cam (Sansgrit: dhyana, Pali: jhana) sy'n nodi'r daith o sylw'r unigolyn o'r byd synhwyraidd allanol i'r cyflwr o fewndroad:
- Datgysylltiad o'r byd allanol ac ymwybyddiaeth o lawenydd a thawelwch meddwl.
- Astudrwydd, gan ffrwyno ymresymiad ac archwiliad.
- Cael gwared â llawenydd, gan adael meddwl tawel.
- Cael gwared â'r meddwl tawel hefyd, gan hebrwng cyflwr o wastadrwydd meddwl ac hunanfeddiant pur.
Dilynir y pedwar cam hyn gan bedwar ymarfer ysbrydol, y samapatti:
- Ymwybyddiaeth o anfeidroldeb gofod.
- Ymwybyddiaeth o anfeidroldeb gwybyddiaeth.
- Myfyrio ar afrealrwydd pethau (diddymder).
- Ymwybyddiaeth o afrealrwydd fel gwrthrych meddwl.[1]