ffilm ar gerddoriaeth a chomedi rhamantaidd gan Phyllida Lloyd a gyhoeddwyd yn 2008 From Wikipedia, the free encyclopedia
Mae Mamma Mia! The Movie ("Mamma Mia! Y Ffilm") yn addasiad llwyfan-i-ffilm o'r sioe gerdd yn y West End o'r enw Mamma Mia! (1999). Mae'r sioe yn seiliedig ar ganeuon y grŵp pop hynod lwyddiannus ABBA gyda'r gerddoriaeth ychwanegol wedi'u gyfansoddi gan Benny Andersson a oedd yn aelod o ABBA. Gwnaeth y ffilm yn arbennig o dda yn y sinemau a chafodd y penwythnos fwyaf erioed am ffilm gerddorol yn hanes yr Unol Daleithiau. Fel y sioe gerdd, tarddia deitl y ffilm o gân boblogaidd ABBA o 1975 Mamma Mia. Rhyddhawyd y ffilm gan Universal Studios mewn partneriaeth â Playtone a Littlestar.[1] Cafodd y ffilm ei rhyddhau ar 3 Gorffennaf 2008 yng Ngwlad Groeg, ar 10 Gorffennaf 2008 yn Awstralia, Seland Newydd a'r Deyrnas Unedig, ar 11 Gorffennaf 2008 yn Sweden, ar 16 Gorffennaf 2008 yn y Philippines, ar 18 Gorffennaf 2008 yn yr Unol Daleithiau a Chanada, ar 10 Medi yn Ffrainc, ar 24 Gorffennaf 2008 a 3 Hydref 2008 yn yr Eidal.[2]
 Poster y Ffilm | |
|---|---|
| Cyfarwyddwr | Phyllida Lloyd |
| Cynhyrchydd | Judy Craymer Catherine Johnson Uwch Gyfarwyddwyr Benny Andersson Björn Ulvaeus Rita Wilson Tom Hanks Phyllida Lloyd |
| Ysgrifennwr | Catherine Johnson |
| Serennu | Meryl Streep Amanda Seyfried Pierce Brosnan Colin Firth Stellan Skarsgård Dominic Cooper Julie Walters Christine Baranski |
| Cerddoriaeth | Benny Andersson Björn Ulvaeus Stig Anderson |
| Sinematograffeg | Haris Zambarloukos |
| Golygydd | Lesley Walker |
| Dylunio | |
| Cwmni cynhyrchu | Universal Studios |
| Dyddiad rhyddhau | 10 Gorffennaf, 2008 |
| Amser rhedeg | 108 munud |
| Gwlad | Unol Daleithiau Y Deyrnas Unedig Yr Almaen |
| Iaith | Saesneg |
| Gwefan swyddogol | |
| (Saesneg) Proffil IMDb | |
Arweinia Meryl Streep cast y ffilm wrth iddi chwarae rhan mam sengl o'r enw Donna Sheridan. Mae Pierce Brosnan, Colin Firth, a Stellan Skarsgård yn chwarae rhan tri tad posib i ferch Donna, (Amanda Seyfried).
Ar 29 Awst 2008 rhyddhawyd Mamma Mia!: The Sing-Along Edition, gyda'r geiriau i'r holl ganeuon wedi'u uwch-oleuo ar y sgrîn mewn rhai theatrau.[3]
Cafodd yn caneuon canlynol eu cynnwys yn y ffilm ei hun ond dim ond 17 o'r caneuon hyn oedd ar yr albwm a oedd yn cydfynd â'r ffilm. (Ni chafodd "Chiquitita", "Waterloo" a "I Do, I Do, I Do, I Do, I Do" eu cynnwys):
Rhyddhawyd yr albwm a oedd yn cyd-fynd â'r ffilm ar 8 Gorffennaf 2008 gan gwmni Decca. Am fod y ffilm wedi'i seilio ar y sioe gerdd, mae'r caneuon yn fersiynnau newydd ac nid yn berfformiadau gan y grŵp ABBA. Mae nifer o'r caneuon wedi cael eu haddasu, gyda rhai o'r geiriau wedi'u newid er mwyn ateb gofynion y plot. Weithiau, mae geiriau'r caneuon yn cael eu dweud yn hytrach na'u canu neu mae iddynt drefniant gyda cherddorfa, gyda'r gitâr neu'r bouzouki Groegaidd yn gyfeiliant iddynt (fel a welir yn y perfformiad olaf o "I Have a Dream").
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
