![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/14/Maesygarnedd%252C_Cwm_Nantcol_ger_Harlech%252C_Gwynedd%252C_Eryri_National_Park%253B_Cymru_%2528Wales%2529_25.jpg/640px-Maesygarnedd%252C_Cwm_Nantcol_ger_Harlech%252C_Gwynedd%252C_Eryri_National_Park%253B_Cymru_%2528Wales%2529_25.jpg&w=640&q=50)
Maesygarnedd
ffermdy yng Ngwynedd / From Wikipedia, the free encyclopedia
Ffermdy traddodiadol yw Maesygarnedd (neu Maes-y-garnedd), sef man geni John Jones yn 1597, un o'r gwŷr a arwyddodd warant marwolaeth Siarl I, brenin Lloegr a brawd-yng-nghyfraith Oliver Cromwell, Arglwydd Amddiffynnwr Lloegr. Saif ym mhen pellaf Cwmnantcol, gyda'r Foel Wen (414m) i'r gogledd-orllewin, y Foel Ddu (477m) i'r gogledd, y Rhinogydd (720m) i'r dwyrain a mynydd Moelfre (589m) i'r de-orllewin. Cyfeirnod Grid yr OS: SH6420026920.[1] Tua 5 milltir i'r gorllewin mae Salem, Cefncymerau, Pentre Gwynfryn, y capel a ddarlunir yn y llun enwog Salem gan Sydney Curnow Vosper.
![]() | |
Math | ffermdy ![]() |
---|---|
Daearyddiaeth | |
Rhan o'r canlynol | Ystad Maesygarnedd ![]() |
Lleoliad | Llanbedr ![]() |
Sir | Llanbedr ![]() |
Gwlad | ![]() |
Uwch y môr | 184.1 metr ![]() |
Cyfesurynnau | 52.822687°N 4.016423°W ![]() |
![]() | |
Statws treftadaeth | adeilad rhestredig Gradd II ![]() |
Manylion | |
Dynodwr Cadw | 4768 ![]() |
Ceir Bwlch Drws Ardudwy gerllaw, bwlch, sy'n gorwedd rhwng Rhinog Fawr a Rhinog Fach; roedd y bwlch o bwysigrwydd mawr yn y Canol Oesoedd fel y cyswllt rhwng Ardudwy ar yr ochr orllewinol i'r Rhinogydd a'r ardaloedd i'r dwyrain.
Cofrestrwyd yr adeilad, a 4 o adeiladau amaethyddol eraill, gerllaw, gan Cadw:
- y prif dŷ o tua'r 1610au: 4768
- beudy, o'r 16g neu'r 17g, sydd mewn cyflwr da: 4768
- cwt peiriannau, ar ochr deheuol y tŷ: 81990
- dau gwt moch: 82011
- beudy / ysgubor maes, rhyw c250m i'r de-orllewin o'r ffermdy.
Yn ôl Cadw, disgrifiwyd y tŷ yn 'newydd' yn 1622, er y gall hyn olygu ei fod 'fel newydd'; mae'n bosib i'r ffermdy gael ei godi ar gyfer tad John Jones, sef Thomas ap John Ieuan ap Huw.[2]