![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/4f/Inle-Yawnghwe.jpg/640px-Inle-Yawnghwe.jpg&w=640&q=50)
Llyndy
From Wikipedia, the free encyclopedia
Annedd a godir dros ddŵr yw llyndy, neu annedd ar byst, sy'n sefyll ar byst yn y dŵr sy'n gosod sylfeini i'r adeiladwaith. Adeiladir llyndai yn bennaf i amddiffyn yn erbyn llifogydd,[1] a hefyd i gadw fermin allan.[2] Gelwir clwstwr llyndai yn "llyndref".
- Efallai eich bod yn chwilio am llindy.
![Thumb image](http://upload.wikimedia.org/wikipedia/commons/thumb/4/4f/Inle-Yawnghwe.jpg/640px-Inle-Yawnghwe.jpg)
Saif olion llyndai cynhanesyddol (Almaeneg: Pfahlbauten) ar lannau llynnoedd yn ne'r Almaen, y Swistir, Ffrainc, a'r Eidal. Adeiladwyd llyndai yn yr Alpau o Oes y Cerrig hyd Oes yr Haearn, a chred anthropolegwyr cafodd y llyndai hyn eu codi ar gorsydd glannau'r llynnoedd yn hytrach nag ar y dyfroedd.[3]
Ceir llyndai heddiw mewn ardaloedd trofannol ac isdrofannol y byd, er enghraifft Maleisia, Indonesia, Indo-Tsieina, Y Philipinau, a De America.