![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e9/Katherine_Jenkins_in_2022_%2528cropped%2529.jpg/640px-Katherine_Jenkins_in_2022_%2528cropped%2529.jpg&w=640&q=50)
Katherine Jenkins
cantores opera a genre poblogaidd, o Gymru / From Wikipedia, the free encyclopedia
Mezzo-soprano o Gastell-nedd yw Katherine Jenkins, OBE (ganwyd 29 Mehefin, 1980)[1]. Er mai cantores glasurol yw hi, mae hi hefyd yn perthyn i gerddoriaeth bontio gan mor eang yw ei hapel.
Katherine Jenkins | |
---|---|
![]() | |
Ganwyd | Katherine Maria Jenkins ![]() 29 Mehefin 1980 ![]() Castell-nedd ![]() |
Label recordio | Universal Music Group ![]() |
Dinasyddiaeth | ![]() |
Alma mater |
|
Galwedigaeth | canwr opera, music artist ![]() |
Arddull | trawsnewid, cerddoriaeth glasurol, opera ![]() |
Math o lais | mezzo-soprano ![]() |
Priod | Andrew Levitas ![]() |
Gwobr/au | OBE, Classic Brit Awards ![]() |
Gwefan | http://www.katherinejenkins.co.uk ![]() |
Cafodd ei haddysg gynnar yn Ysgol Alderman Davies a oedd drws nesaf i Eglwys St David lle y cafodd Katherine gyfle i ddysgu canu a chyfle i ganu yn y côr ac fel unawdydd. Pan yn blentyn, cynrychiolodd Gymru deirgwaith yn y gystadleuaeth Choirgirl of the Year, enillodd gystadleuaeth Radio 2 Welsh Choirgirl of the Year yn ogystal ag ennill y BET Welsh Choirgirl of the Year.
Enillodd Katherine Ysgoloriaeth Côr Meibion Dyffryn Pelenna fel y gantores fwyaf addawol, a phan oedd yn 17 enillodd ysgoloriaeth i astudio yn yr Academi Gerdd Frenhinol yn Llundain. Derbyniodd radd anrhydedd.
Yn 2004, pan oedd Katherine yn 23 oed, arwyddodd y cytundeb recordiau fwyaf yn hanes cerddoriaeth clasurol. Daeth y cyn-athrawes o Gastell Nedd y gantores glasurol a werthodd y nifer fwyaf o recordiau gyflymaf ers Maria Callas.
Ers hynny, gwnaed Katherine yn fascot swyddogol tîm rygbi Cymru. Cyn Cwpan Rygbi'r Byd yn 2003, recordiodd gân swyddogol y tîm Cymreig, fersiwn o Bread of Heaven i gyfeiliant côr meibion o gant o leisiau. Cyn hynny, roedd wedi canu'r anthem genedlaethol Hen Wlad fy Nhadau yn Stadiwm y Mileniwm cyn gêm Cymru / Lloegr ym mis Awst.
Mae Katherine wedi perfformio ar yr X Factor yn canu gyda Rhydian. Roedd hi wedi rhyddhau 5 albwm erbyn 2004; roedd yr albwm Premier ar ben y siart clasurol am 8 wythnos. Yn 2005 cafodd La Diva ei ryddhau ac yn 2006 rhyddhodd yr albwm Serenade. Yn 2008 cafwyd From the heart a Rejoice. Rhyddhaodd ei chweched albwm sef Sacred Arias ar yr 20fed o Hydref 2008.