Halasana (Yr Aradr)

Mae Halasana (Sansgrit: हलासन; IAST: halāsana) neu'r Aradr^[1] yn asana gwrthdro mewn ioga hatha ac ioga modern fel ymarfer corff. Mae ei amrywiadau'n cynnwys Karnapidasana gyda'r pengliniau wrth y clustiau, a Supta Konasana gyda'r coesau ar led.

Halasana

Enghraifft o'r canlynol	asana
Math	asanas gwrthdro
Ffeiliau perthnasol ar Gomin Wicimedia

Geirdarddiad

Y gwrw iechyd a harddwch Marguerite Agniel mewn osgo Aradr, c. 1928

Daw'r enw o'r Sansgrit हला hala, "aradr" ac आसन āsana, "osgo neu siap y corff".^[2] Disgrifir a darlunnir yr ystum yn y gyfrol Sritattvanidhi yn y 19g fel Lāṇgalāsana, sydd hefyd yn golygu ystum yr aradr yn Sansgrit.^[3]

Nid yw Karnapidasana i'w gael yn y testunau ioga hatha canoloesol. Fe’i disgrifir yn annibynnol yn y Llyfr Yoga Darluniadol Cyflawn (1960) gan Swami Vishnudevananda yn nhraddodiad Ioga Sivananda, a chan BKS Iyengar yn ei Light on Yoga (1966), gan awgrymu y gallai fod gan yr asana hwn wreiddiau hŷn.^[4][5] Daw'r enw o'r geiriau Sansgrit karṇa (कर्ण) sy'n golygu "clustiau", pīḍ (पीड्) sy'n golygu "i wasgu", ac âsana (आसन) sy'n golygu "osgon neu siap" (y corff).^[6]

Mae'r ystum yn datblygu o asana arall, sef Sarvangasana (sefyll ar y sgwyddau), gan ostwng y cefn ychydig ar gyfer cydbwysedd, a symud y breichiau a'r coesau dros y pen nes bod bysedd y traed estynedig yn cyffwrdd â'r llawr a blaenau'r bysedd, mewn amrywiad paratoadol o'r ystum. Yna gellir symud y breichiau i gynnal y cefn i safle mwy fertigol, gan greu ail amrywiad o'r ystum. Yn olaf, gellir ymestyn y breichiau ar y llawr, i ffwrdd o'r traed, gan gyrraedd y siap terfynol, sef ffurf aradr draddodiadol.^{[7][8][9][10]}

Amrywiadau

Karnapidasana, amrywiad gyda'r pengliniau wedi'u plygu, a safle breichiau yn wahanol

Mae'r pengliniau wedi'u plygu'n agos at y pen, gyda'r pengliniau'n gafael yn y breichiau yn Karnapidasana (y Clust-wasgwr) neu Raja Halasana (yr Aradr Brenhinol).^[11]

Yn Parsva Halasana (Aradr i'r ochr) mae'r corff yn fertigol, y torso wedi'i throelli i un ochr, a'r coesau allan yn syth, gyda'r traed yn cyffwrdd â'r llawr (i'r ochr honno).^[12]

Mae gan Supta Konasana (yr Ongl Gorweddol) y coesau ar led, bysedd y traed ar y llawr;^[13] efallai y bydd blaenau'r bysedd yn gafael ym modiau'r traed.^[12]

Gellir perfformio'r holl amrywiadau hyn fel rhan o gylchred sy'n cychwyn o Sarvangasana (Ysgwydd-sefyll).^[12]

Gweler hefyd

• Rhestr o asanas

Cyfeiriadau

1. YJ Editors (28 Awst 2007). "Plough Pose". Yoga Journal.
2. Sivananda, Swami (June 1985). Health and hatha yoga. Divine Life Society. t. 128. ISBN 978-0-949027-03-0.
3. Sjoman 1999, t. 72.
4. Iyengar 1979, tt. 216-219.
5. Sjoman 1999, tt. 88, 92.
6. Sinha, S. C. (1996). Dictionary of Philosophy. Anmol Publications. t. 18. ISBN 978-81-7041-293-9.
7. Iyengar 1979.
8. Halasana. February 1983. p. 7. ISSN 0191-0965. https://books.google.com/books?id=8usDAAAAMBAJ&pg=PA7.
9. Robin, Mel (May 2002). A Physiological Handbook for Teachers of Yogasana. Wheatmark. t. 516. ISBN 978-1-58736-033-6.
10. Robin, Mel (2009). A Handbook for Yogasana Teachers: The Incorporation of Neuroscience, Physiology, and Anatomy Into the Practice. Wheatmark. t. 835. ISBN 978-1-58736-708-3.
11. Mehta 1990, tt. 111–115.
12. Mehta 1990.
13. "Supta Konasana". Yogapedia. Cyrchwyd 8 Chwefror 2019.

Llyfryddiaeth

• Iyengar, B. K. S. (1979) [1966]. Light on Yoga: Yoga Dipika. Unwin Paperbacks. ISBN 978-1855381667.
• Mehta, Silva; Mehta, Mira; Mehta, Shyam (1990). Yoga: The Iyengar Way. Dorling Kindersley.
• Sjoman, Norman E. (1999) [1996]. The Yoga Tradition of the Mysore Palace. Abhinav Publications. ISBN 81-7017-389-2.

Dolenni allanol

• Trosolwg Halasana