Go Tell It on the Mountain

Nofel led-hunangofiannol gan James Baldwin yw Go Tell It on the Mountain a gyhoeddwyd ym 1953. Mae'n ymwneud â pherthynas yr Eglwys Gristnogol â'r gymuned a'r teulu Affricanaidd-Americanaidd. Daw teitl y llyfr o'r gân ysbrydol o'r un enw, a elwir yn "Dos Dywed ar y Mynydd" yn Gymraeg. Hon oedd nofel gyntaf James Baldwin.

Go Tell It on the Mountain

Enghraifft o'r canlynol	gwaith ysgrifenedig
Awdur	James Baldwin
Cyhoeddwr	Alfred A. Knopf
Gwlad	UDA
Iaith	Saesneg
Dyddiad cyhoeddi	1953
Dyddiad cyhoeddi	1953
Genre	nofel hunangofiannol, llenyddiaeth Affro-Americanaidd
Prif bwnc	Harlem, racial segregation in the United States, hiliaeth
Lleoliad y gwaith	Harlem

Rhennir y nofel yn dair rhan. Yn y rhan gyntaf cyflwynir stori'r prif gymeriad, John Grimes, llanc croenddu sydd yn llysfab i bregethwr Pentecostaidd. Yn yr ail ran, datgelir hanesion yr oedolion sydd ym mywyd John, ac yma mae disgrifiadau o gamdriniaeth, trais, hiliaeth, ffydd, euogrwydd a gwaredigaeth. Yn rhan olaf y nofel portreadir defod eglwysig mewn delweddau megis breuddwyd, wrth i John geisio deall ei rywioldeb a'i ffydd.^[1]

Cyfeiriadau

1. Samuels, Wilfred. Encyclopedia of African-American Literature (Efrog Newydd: Facts On File, 2007), t. 211.

Darllen pellach

• Alexander, Charlotte A. Baldwin's Go Tell It on the Mountain, Another Country, and Other Works: A Critical Commentary (Efrog Newydd: Monarch Press, 1966).
• Harris, Trudier (gol.) New Essays on Go Tell It on the Mountain (Caergrawnt: Gwasg Prifysgol Caergrawnt, 1996).
• Henderson, Carol E. (gol.) James Baldwin's Go Tell It on the Mountain: Historical and Critical Essays (Efrog Newydd: Peter Lang, 2006).
• Knight Jr., Dennis Ray. "Time to Tell Archifwyd 2017-12-02 yn y Peiriant Wayback", James Baldwin Review 3.1 (2017), tt. 131–151.