![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/Sleeping_beauties%252C_Y_Gyffylliog_NLW3363199.jpg/640px-Sleeping_beauties%252C_Y_Gyffylliog_NLW3363199.jpg&w=640&q=50)
Cwsg
From Wikipedia, the free encyclopedia
Cyflwr anymwybodolrwydd naturiol yw cwsg; y gwrthwyneb i'r cyflwr o fod yn effro neu ar ddi-hun.
![Thumb image](http://upload.wikimedia.org/wikipedia/commons/thumb/5/5d/Sleeping_beauties%2C_Y_Gyffylliog_NLW3363199.jpg/320px-Sleeping_beauties%2C_Y_Gyffylliog_NLW3363199.jpg)
Digwydd cwsg arferol mewn pedair rhan olynol sy'n amrywio yn eu dyfnder. Mae gweithgaredd trydanol yr ymenydd yn parhau ond yn troi'n fwy rhythmaidd nag yn y cyflwr effro ac yn llai agored i stimuli allanol.
![Thumb image](http://upload.wikimedia.org/wikipedia/commons/thumb/3/3a/A_child_sleeping.jpg/640px-A_child_sleeping.jpg)
O bryd i'w gilydd torrir ar gwsg arferol gan gyfnodau o gwsg paradocsaidd sy'n peri i'r llygaid symyd yn gyflym ac i'r ymenydd fod yn fwy gweithgar er bod y cyhyrau yn fwy ymlaciedig nag yn ystod cwsg arferol. Cysylltir cwsg paradocsaidd â breuddwydion yn neilltuol.
Mae rhaid wrth gwsg yn fiolegol. Ymddengys fod cwsg yn angenrheidiol er mwyn rheoli tyfiant corfforol; mae anghenion unigolion yn amrywio'n fawr o tua tair i ddeg awr y nos. Achosir anhunedd (insomnia) gan newid arferion, pryder, iselder a chyffuriau neu feddyginiaethau.
Mae anhwyldebau cwsg yn cynnwys cerdded yn eich cwsg a hunllefau.