![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/13/Cwm_Dulais_-_geograph.org.uk_-_60596.jpg/640px-Cwm_Dulais_-_geograph.org.uk_-_60596.jpg&w=640&q=50)
Cwm Dulais
dyffryn yng Nghastell-nedd Porth Talbot / From Wikipedia, the free encyclopedia
Dyffryn yn ne-gorllewin Cymru, yn ymestyn o ogledd Sir Abertawe i ogledd-gorllewin Bwrdeistref Sirol Castell-nedd Port Talbot, yw Cwm Dulais, sy'n cael ei enw o Afon Dulais.
![]() | |
Math | dyffryn, peiran ![]() |
---|---|
Daearyddiaeth | |
Sir | Castell-nedd Port Talbot ![]() |
Gwlad | ![]() |
Cyfesurynnau | 51.7363°N 3.7503°W ![]() |
![]() | |
Mae'r cwm yn ymestyn tua'r de-orllewin a'r de o gyffiniau Onllwyn, i'r dwyrain o Ystradgynlais, i Aberdulais, fymryn i'r gogledd-ddwyrain o dref Castell Nedd. Y prif bentrefi eraill yw Blaendulais, Y Creunant a Cil-ffriw. Mae'r briffordd A4109 yn arwain ar hyd y cwm.
Fel mae Afon Dulais yn agosáu at Afon Nedd ger Aberdulais, mae'n disgyn i raeadr ysblenydd Rhaeadrau Aberdulais, atyniad twristiaeth poblogaidd a safle hen weithfeydd haearn. Mae'r rhaeadr yn eiddo i'r Ymddiriedolaeth Genedlaethol.
![Thumb image](http://upload.wikimedia.org/wikipedia/commons/thumb/0/0b/Gelli-gwm_Rock_-_geograph.org.uk_-_60567.jpg/320px-Gelli-gwm_Rock_-_geograph.org.uk_-_60567.jpg)
![Thumb image](http://upload.wikimedia.org/wikipedia/commons/thumb/1/13/Cwm_Dulais_-_geograph.org.uk_-_60596.jpg/320px-Cwm_Dulais_-_geograph.org.uk_-_60596.jpg)
Arferai Cwm Dulais fod yn ardal lofaol bwysig iawn. Roedd glofa Cefn Coed ger y Creunant yn nodedig fel y lofa glo carreg ddyfnaf yn y byd ar un adeg. Mae Amgueddfa Glofa Cefn Coed yn hen adeiladau glofa Blaenant, oedd yn estyniad o lofa Cefn Coed.