Ban Ki-moon

Ysgrifennydd Cyffredinol cyfredol y Cenhedloedd Unedig yw Ban Ki-moon (ganwyd 13 Mehefin, 1944 yn Eumseong, De Corea; Coreëg: 반기문/潘基文).

Ban Ki-moon 반기문/潘基文
8fed Ysgrifennydd Cyffredinol y Cenhedloedd Unedig
Cyfnod yn y swydd 1 Ionawr, 2007 – 31 Rhagfyr, 2016
Rhagflaenydd	Kofi Annan
Olynydd	Antonio Guterres
Geni	(1944-06-13) 13 Mehefin 1944 (80 oed)[1] Eumseong, Chungcheongbuk-do
Cenedligrwydd	De Corea
Priod	Yoo Soon-taek
Alma mater	Prifysgol Genedlaethol Seoul

Cyn dod yn Ysgrifennydd Cyffredinol, diplomydd yng Ngweinyddiaeth Materion Tramor De Corea ac yn y Cenhedloedd Unedig oedd Ban. Ymunodd â'r gwasanaeth diplomyddol y flwyddyn y graddiodd o brifysgol, a derbyniodd ei swydd gyntaf yn Delhi Newydd. Yn y weinyddiaeth dramor enillodd enw da am fod yn ddiymhongar a chymwys wrth ei waith.

Gweinidog Tramor De Corea o Ionawr 2004 i Dachwedd 2006 oedd Ban. Yn Chwefror 2006 dechreuodd ymgyrchu am swydd yr Ysgrifennydd Cyffredinol. Yn gychwynnol ni ystyrid Ban yn gystadleuydd oedd yn debygol o ennill y swydd. Ond fel gweinidog tramor De Corea llwyddodd i deithio i bob un o aelod-wladwriaethau Cyngor Diogelwch y Cenhedloedd Unedig, gweithred a'i roddodd ar flaen y ras am y swydd.

Ar 13 Hydref 2006, fe'i etholwyd gan Gynulliad Cyffredinol y Cenhedloedd Unedig fel yr wythfed Ysgrifennydd Cyffredinol. Ar 1 Ionawr, 2007, olynodd Kofi Annan, a phasiodd nifer o ddiwygiadau o bwys ynghylch cadw heddwch ac ymarferion cyflogi y CU. Yn ddiplomyddol mae Ban wedi cymryd safbwyntiau cryf iawn ar gynhesu byd-eang, trwy godi'r mater drosodd a throsodd gyda George W. Bush, Arlywydd yr Unol Daleithiau, a'r Rhyfel yn Darfur, lle chwaraeodd rhan mewn darbwyllo Omar al-Bashir, Arlywydd Swdan, i ganiatáu luoedd cadw heddwch i mewn i'r wlad.

Cyfeiriadau

1. (Saesneg) Warren Hoge (9 Rhagfyr, 2006). For New U.N. Chief, a Past Misstep Leads to Opportunity. The New York Times.

Dolenni allanol

Comin Wikimedia

Mae gan Gomin Wikimedia
gyfryngau sy'n berthnasol i:

Ban Ki-moon

• (Arabeg) (Tsieinëeg) (Saesneg) (Ffrangeg) (Rwseg) (Sbaeneg) Ysgrifennydd Cyffredinol y Cenhedloedd Unedig – proffil swyddogol, adroddiadau, datganiadau i'r wasg

Rhagflaenydd: Kofi Annan	Ysgrifennydd Cyffredinol y Cenhedloedd Unedig 1 Ionawr, 2007 – 31 Rhagfyr 2016	Olynydd: Antonio Guterres