From Wikipedia, the free encyclopedia
Zeytün Qoş — Qırım dağları baş sırasınıñ merkeziy parçasında bulunğan dağ töpesi. Qırım dağlarınıñ üçünci eñ yüksek töpesidir. Roman Qoş, Demir Qapı, Kemal Egerek, Buynuz Töpe, Uçurım Qaya kibi töpelerden farqlı olaraq, Babuğan yaylasınıñ cenübiy şarq caplarında buluna. Şunıñ içün Zeytün Qoş töpesinden Qara deñiz körüne.
Zeytün Qoş | |
---|---|
![]() | |
Dağ sırtı | Qırım dağları |
Devlet | |
İçinde bulunğan idariy birlem | Qırım |
![]() |
Yüksekligi — 1534 m (Roman Qoştan 11 m alçaq). Zeytün Qoşnıñ yüzüni karst hasarları ve karrlar, şarqiy cabında ise, büyük karst vadiysi mürekkepleştire. Zeytün Qoş — çıplaq konus şeklinde olğan yatıq caplı töpe.
Ad qırımtatar zeytün sözünden kele ("zeytün" sözüniñ şive 'zeytin' şeklinde de rastkele). Qoş ise "qoy avlası" demektir. Töpeniñ eteginde kerçekten de, çoq zeytün teregi bar. Bunen beraber XX asırğace bu dağda büyük otlaq bar edi.
Dağ kireçtaşlardan ibaret olıp, dağ-çayır-çöl ösümlik örtüsi bar.[1]
Bugün Zeytün Qoş Qırım tabiat qoruğı topraqlarındadır. Qoruqqa kiriş resmiy olaraq yasaqtır.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.