From Wikipedia, the free encyclopedia
L' ussidiana (o ossidiana) hè una rocca vulcanica vitrosa è ricca in silicia.[1] Di culori grisgiu, verdi scuru, rossu o neru, hè isciuta di una lava acida (tipu riolita). A vitrificazioni in massa hè resa pussibuli da u forti gradu di pulimerisazioni di a lava[2]. 'Ssu finominu ùn hà nienti à veda incù l'urlaturi intustati di uni pochi di millimitri à uni pochi di centimi ussirvati annantu à i lavi basichi (filona, pillows lavi) par i quali a vitrificazioni hè divuta à un raffriddamentu rapitu di a lava (cuntattu incù un forti fretu o incù l'acqua).
.jpg)
U so nomu vinaria da Obsius, un parsunaghju di a Roma antica chì avaria signalatu u prima a prisenza di 'ssa rocca, in Etiupia.
L'ussidiana hè upaca à traparenti è prisenta una tissitura è un éclat vitrosu. A so truncatura hè assà nittamenti cuncoidali, a so durezza annantu à a scala di Mohs essendu da 5 à 5,5 [3] (pò ancu arrià u vetru).
U vetru di l'ussidiana pò turrà à cristaddizà ciò chì dà i sferuliti di cristubalitu, o calchì volta l'ussidiani fioccu di nevi incù l'orbiculi di ricristaddisazioni.
L'ussidiana si forma à parta da scorsi di lava assà spessi è ricchi di silicia.
Rocca poca cumuna, l'ussidiana si trova in abbundanza :
L'ussidiana hè dinò assà prisenti in u circondu di i vulcani di l'isula di Pasqua.
L'ussidiani sò par u più datati di u Pliucenu (2 à 4 milioni d'anni) ; nisciuna ùn hè antiriori à u Cenozoicu : difatti, 'ssa rocca si svitrificheghja incù u tempu.
A parsona trova, in u cummerciu di i ghjemmi i varietà sintetichi d'ussidiana. L'" ussidiana turchina ", turchina trasparenti, hè unu di 'ssi vetri fabbricati da l'omu. A parsona pò truvà u turchinu in l'ussidiana naturali ma à u statu di rifletti più o menu visibuli annantu à una petra upaca o appena transparenti.
L'ussidiana hà stata usata par a fabricazioni di taglii par l'armi è i stuvigli in u corsu di a Preistoria, in particulari in America preculumbiana. I cotuli rullati servini à a fabricazioni di ghjuveddi è a durezza di 'ssu minerali è a so faciulità rilativa di taglia parmettini di fà ni lami.
Esistini dinò numarosi tracci d'utilisazioni di l'ussidiana in u sudu di l'Auropa à u Niuliticu, induva una forma di cummerciu è di trasportu di a petra era missa in ballu dapoi i ghjacimenti di i vulcani di l'attuali Italia. I stuvigli in ussidiana sò stati cusì ritruvati à u mumentu di scavi archiulogichi, in particulari in u sudu di a Francia. Incù l'avvinimentu di u Niuliticu in u mari Tarraniu uccidentali, 8000 anni fà, i reti di scambii si mettini in ballu trà i diffarenti cumunità agrupasturali, reti chì firmarani attivi mentri quattru millennii. Un studiu ricenti purtendu annantu à l'ussidiana preistorica parmetti di caccià un vela annantu à a manera chì eddi erani urganizati parechji di 'ssi cambii à longhi distanzi, trà l'isuli è i ribbi mediterranii : 'ssu cummerciu era in parti à i mani d'artisgiani spicializati chì si cullucavani da via marittima è distribuiscìani u pruduttu di u so artisgianatu à i cumunità visitati. I siti archiulogichi attestani di a missa à forma di i nucleus intornu à i ghjacimenti (par u più Lipari è Codda Arci in Sardegna), po' di u distaccamentu di lami è di lameddi in i paesi " cunsummatori "[4].
Kate Arghjentu ci faci rifirimentu in l'episodiu 12 di a staghjoni 4 di a vigata Teen Wolf.
A vigata televisiva Game of Thrones ci faci rifirimentu, chjamendu la " vetru-dragonu ", par luttà contru à i marchjadori bianchi.
L'ussidiana hè prisenti in bon parechji videughjochi, frà altru com'è matiriali di fabricazioni d'armi è armaturi, par indittu in i vigati di ghjochi di rollu Might and Magicè The Elder Scrolls.
In Minecraft, l'ussidiana hè a rocca a più dura ch'è a parsona possi ottena (a Bedrock, matiriali u più duru di u ghjocu, ùn pò essa ottinutu ch'è in modu Criativu) - è quissa quandu inveci l'ussidiana riali hè abbastanza fragili. Si forma à u mumentu di u cuntattu di l'acqua è di a lava è parmetti par u più di rializà i purtali d'accessu versu u nether, una tola d'incantu o di i custruzzioni chì risisti à i splusioni.
In Favula, l'armi in ussidiana sò l'armi i più putenti innanzi à l'armi di maestru (è l'armi spiciali).
In Guild Wars, l'armatura d'ussidiana hè a più difficiuli à ottena è u fatu di pusseda la hè cunsidaratu com'è una distinzioni à parti intreia in u Panteonu di l'Alti fatti.
In a vigata Assassin's Creed, i placchi d'ussidiana furniscini l'energia par i tempii di a Prima Civiltà grazia à una tecnulugia scunnisciuta. Ùn hè micca fattu dirittamenti rifirimentu à l'ussidiana ma si pò ussirvà in Assassin's Creed III è Assassin's Creed IV: Black Flag 'ssi placchi d'ussidiana nera ghjacendu i ruvini di i tempii. Sò minziunati i placchi d'ussidiana in prechji artworks di i ghjochi.
In Call of Duty: Advanced Warfare, un'arma hè numinata BAL-27 Obsidian Steel.
In Terraria, i ghjucadori poni fabbricà l'ussidiana mittendu a lava in cuntattu incù l'acqua.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
