Ophrys aurelia
From Wikipedia, the free encyclopedia
From Wikipedia, the free encyclopedia
Ophrys aurelia hè un fiori chì faci parti di a famiglia di l'Orchidaceae.
| |||||
|---|---|---|---|---|---|
 | |||||
| Ophrys aurelia | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Orchidales | ||||
| Famiglia | Orchidaceae | ||||
| Genaru | Ophrys | ||||
| Nomu binuminali | |||||
| Ophrys aurelia P. Delforge , Devillers | |||||
 | |||||
L'Ophrys aurelia hè una spezia d'urchidei terranii vivaci appartinendu à a famiglia di i Orchidaceae. 'Ssa pianta arbacea si caratterizeghja da i so fiora bruni russicci o bruni scuri disposti in gaspa lena annantu à u picciolu fiurali.
I casci di l'Ophrys aurelia sò basali, uvali à lanceulati, d'un culori da verdi chjaru à verdi scuru. Sò disposti à a basa di u picciolu fiurali è poni ancu essa prisenti longu à u picciolu, divintendu prugrissivamenti più chjuchi à capu insù. U picciolu, ribustu è rittu, pò aghjunghja un'altezza da 20 à 40 centimi.
I fiora, di culori brunu o rossu à brunu scuru, sò ragruppati in infiuriscenzi à forma di gaspa lena, cumposti da 3 à 12 fiora. U labeddu hè largu è trilubatu, incù lobi latirali incurvati è un lobu cintrali più largu, prisintendu mutivi à forma di insettu. I fiora di l'Ophrys aurelia sò ermafruditi è sò inamacati par u più da l'insetti.
L'Ophrys aurelia hè prisenti par u più in Auropa mediterrania, in particulari in Francia, in Italia è in a penisula iberica. 'Ss'urchidea prifirisci l'ambienti varii, tali i pratulini asciutti, i machji, l'arici di furesti è i landi. Apprizzeghja i terri beddi assiccati è appena aciti à neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari insin'à à l'incirca 1000 metri.
L'Ophrys aurelia ùn hè micca cunsidarata com'è una spezia minacciata à a scala mundiali. Eppuri, in certi righjoni, pò essa prutetta par causa di a digradazioni di u so ambienti è di a racolta illegali di i so fiora. 'Ss'urchidea hè ancu prutetta da a Cunvinzioni annantu à u cummerciu internaziunali di i spezii di fauna è di flora salvatichi minacciati d'estinzioni (CITES), chì intardisci u so cummerciu. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca pà pruteghja è prisirvà 'ssa spezia d'urchidea.
Ophrys aurelia hè prisenti in Corsica, in u circondu di Bonifaziu, ma hè rarissima.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
