From Wikipedia, the free encyclopedia
L' Erba diavula (o arba diavula) (Datura stramonium) hè un fiore chì face parte di a famiglia di e Solanaceae.
| |||||
---|---|---|---|---|---|
Datura stramonium | |||||
Classificazione scentifica | |||||
Regnu | Plantae | ||||
Divisione | Magnoliophyta | ||||
Classa | Magnoliopsida | ||||
Ordine | Solanales | ||||
Famiglia | Solanaceae | ||||
Generu | Datura | ||||
Nome binuminale | |||||
Datura stramonium Aiton, 1753 | |||||
L'erba diavula hè una pianta arbacea annuali appartinendu à a famiglia di e Solanaceae. Hè uriginaria d'America suprana, ma hè avale sparta in u mondu sanu per causa di a so capacità à adattà si à diffarenti climi è terre. 'Ssa pianta pò aghjunghje un'altezza da 1 à 1,5 metru è pussede piccioli ribusti è ramificati. E so casce sò grande, uvale è dintate, di culore verdi scuru. I fiori di Datura stramonium sò sulitarii, à forma di tromba è di culore biancu. Sgaghjanu un prufumu inzuccheratu è sò à spessu visitati da e farfalle di notte.
Datura stramonium hè una spezia cusmupolita, prisente in numerosi paesi à traversu u mondu. Hè particularamente abundante in e rigione timperate è subtrupicale. Omu a trova à spessu u longu di i stradoni, in i tarreni abbandunati, i giardini abbandunati è i campi cultivati. 'Ssa pianta hà una grandi capacità di dispersioni grazia à i so granelli chì poni esse traspurtati da u ventu annantu à longhe distanze.
L'erba diavula hè una pianta annuali chì si riproduci per via di i granelli. Fiurisce da ghjugnu à sittembre, pruducendu numerosi fiori chì si trasformanu dopu in capsule spinose cuntinendu i granelli. I granelli di Datura stramonium sò assai tossichi è ponu firmà campivi in a terra mentre parechji anni. 'Ssa pianta hè ancu cunnisciuta par a so capacità à pruduce alcaloidi tali l'atropina è a scopolamina, chì ani pruprietà midicinale è allucinogene.
Datura stramonium hè u nomu scentificu accittatu pà 'ssa spezia. Esistenu dinù sinonimi scentifichi tali Datura inermis, Datura tatula è Datura ferox.
Datura stramonium hè cunsiderata com'è una spezia invadente in numerosi paesi per causa di a so capacità à prupagà si prestu è à fà cuncurrenza à e spezie indigene. Pò ancu esse tossica pà u bistiame è a fauna selvatica s'ella hè cunsumata in grande quantità. Eppuru, 'ssa pianta hà ancu l'utilisazione midicinale tradiziunale in certi culture, in particulari pà sullevà u dulore è trattà l'affizzione rispiratorie. Hè dunque impurtante di truvà un equilibriu trà a gistione di 'ssa spezia invadente è a prisirvazione di e so utilisazione midicinale putinziale.
L'erba diavula hè ancu chjamata l'erba di u diavule o a pùzzica.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.