Allium neapolitanum
From Wikipedia, the free encyclopedia
From Wikipedia, the free encyclopedia
L' aglia napulitana (Allium neapolitanum) hè una pianta chì faci parti di a famiglia di l'Amaryllidaceae.
| |||||
---|---|---|---|---|---|
![]() | |||||
Allium neapolitanum | |||||
Classifica scentifica | |||||
Regnu | Plantae | ||||
Divisioni | Tracheophyta | ||||
Sottudivisioni | Spermatophytes | ||||
Ordini | Asparagales | ||||
Famiglia | Amaryllidaceae | ||||
Genaru | Allium | ||||
Nomu binuminali | |||||
Allium neapolitanum Domenico Cirillo, 1788 | |||||
![]() | |||||
L'aglia napulitana, ancu cunnisciutu sottu à u nomu cumunu d'aglia di Napuli, hè una varietà d'aglia bastarda di a famiglia di l'Amaryllidaceae. 'Ssa pianta vivaci aghjunghji di regula un'altezza da 30 à 60 centimi. Si caratterizeghja da i so fogli liniari, stretti è di culori verdi scuru, chì misurani circa 10 à 30 centimi di longu. I fiora di l'Allium neapolitanum sò ragruppati in cucculi densi è sferichi, cumposti da fiurareddi bianchi stiddati. Ogni fiori misura à l'incirca 1 à 2 centimi di diamitru è pussedi sei tepali. L'aglia napulitana fiurisci d'aprili è di maghju.
L'aglia napulitana hè urighjinaria di u righjonu mediterraniu, induva edda hè largamenti sparta. Omu u trova par u più in i paesi di u circondu mediterraniu, tali l'Italia, a Grecia, a Spagna, a Turchia è u Maroccu. 'Ssa pianta hà ancu statu intradutta in altri righjoni di u mondu, in particulari in America subrana è in Australia, induv'edda s'hè naturalizata in certi righjoni.
L'aglia napulitana apparteni à u genaru Allium, chì ragruppa numarosi spezii d'aglia. Hè stata discrittu par a prima volta da u butanistu talianu Giovanni Gussone in u 1827. A spezia hè à spessu sinonimu di:
Allium neapolitanum hà dimustratu capacità antiussidanti in tutti l'organi di a pianta chì sò stati studiati è analizati[2]: u bulbu t'hà i più alti liveddi d'acitu ascorbicu. I casci inveci t'ani a più alta attività di catalasi è di glutationi perussidasi.
L'aglia napulitana hè una pianta cumuna è largamenti sparta in a so aria di ripartizioni naturali. Hè à spessu cultivata com'è pianta urnamintali in i giardini par causa di i so beddi fiora bianchi è di u so frundamu eleganti. Eppuri, certi pupulazioni di 'ssa spezia poni essa minacciati par via di a distruzzioni di u so ambienti naturali da l'urbanisazioni è l'agricultura intinsiva. Hè dunqua impurtanti di prisirvà i zoni induva l'Allium neapolitanum cresci naturalamenti cù u fini di garantiscia a so sopravvivenza à longu andà.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.