From Wikipedia, the free encyclopedia
Gymnadenia conopsea hè un fiori chì faci parti di a famiglia di l'Orchidaceae.
| |||||
|---|---|---|---|---|---|
 | |||||
| Gymnadenia conopsea | |||||
| Classifica scentifica | |||||
| Regnu | Plantae | ||||
| Divisioni | Magnoliophyta | ||||
| Classa | Liliopsida | ||||
| Ordini | Orchidales | ||||
| Famiglia | Orchidaceae | ||||
| Genaru | Gymnadenia | ||||
| Nomu binuminali | |||||
| Gymnadenia conopsea ( L. ) R.Br. , 1813 | |||||
 | |||||
Gymnadenia conopsea hè una spezia d'urchidei terranii vivaci appartinendu à a famiglia di l'Orchidaceae. 'Ssa pianta arbacea si caratterizeghja da i so fiora rusulini o viuletti disposti in gaspa densa annantu à u picciolu fiurali.
I casci di Gymnadenia conopsea sò liniari à lanceulati, d'un culori da verdi chjaru à verdi scuru. Sò disposti à a basa di u picciolu fiurali è poni ancu essa prisinti longu à u picciolu, divintendu prugrissivamenti più chjuchi à capu insù. U picciolu, ribustu è drittu, pò aghjunghja un'altezza da 20 à 60 centimi.
I fiora, di culori rusulinu o viulettu, sò ragruppati in infiuriscenzi à forma di gaspa densa, cumposti da 20 à 150 fiora. U labeddu hè strettu è lungarinu, appena incurvatu à capu in ghjò, incù un spronu longu è à a fini di à a basa. I fiora di Gymnadenia conopsea sò ermafruditi è sò inamacati par u più da l'insetti, in particulari da i musculini, da induva u so nomu vernaculari.
Gymnadenia conopsea hè prisenti in i righjoni timparati è bureali d'Auropa, d'Asia è d'Africa subrana. Omu a trova in Francia, in Alimagna, in Italia, in iSpagna, à u Regnu Unitu, in Russia, è ancu in certi paesi asiatichi tali a China è u Giapponu, è in Africa subrana, in particulari à u Maroccu è in Algiria.
'Ss'urchidea prifirisci l'ambienti muntosi è umiti, tali i pratulini alpini, i paduli, i turbieri è l'arici di furesti. Apprizzeghja i terri beddi assiccati è appena aciti à neutri, è si sviluppa in zoni esposti à u soli o à meza ombra. A spezia pò essa truvata à altitudini andendu da u liveddu di u mari sinu à à l'incirca 3000 metri.
Gymnadenia conopsea ùn hè micca cunsidarata com'è una spezia minacciata à a scala mundiali. Eppuri, in certi righjoni, pò essa prutetta par causa di a digradazioni di u so ambienti è di a racolta illegali di i so fiora. Sforzi di cunsirvazioni, tali a missa in piazza di riservi naturali è di prugrammi di riintruduzioni, sò fatti in certi loca par pruteghja è prisirvà 'ssa spezia d'urchidea.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
