![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/19/Picart_alpheus_arethusa.jpg/640px-Picart_alpheus_arethusa.jpg&w=640&q=50)
Aratusa
From Wikipedia, the free encyclopedia
Aratusa (o Aretusa) (in grecu Ἀρέθουσα, -ης; in latinu Arethusa, -ae) hè un parsunaghju di a mitulugia greca, figlia di Nereu è di Doride.
![Thumb image](http://upload.wikimedia.org/wikipedia/commons/thumb/1/19/Picart_alpheus_arethusa.jpg/320px-Picart_alpheus_arethusa.jpg)
![Thumb image](http://upload.wikimedia.org/wikipedia/commons/thumb/7/7f/Photo_Fontaine_Gros_Horloge_1.jpg/640px-Photo_Fontaine_Gros_Horloge_1.jpg)
U diu Alfeu, figliu di u diu Uceanu, s'innamurò d'edda spiendu la mentri si bagnava nuda. Aratusa parò fughjì da i so attinzioni, scampendu si la annantu à l'isula di Ortigia, in Siracusa, induva a dea Artemidi a tramutò in una fonti. Zeus, cummossu da u dulori d'Alfeu, u mutò in fiumu à so volta, parmittendu li cusì, da u Pilupunnesu, in Grecia, di parcorra tuttu u Mari Ioniu par uniscia si à a fonti amata.
Ancu oghji u mitu rivivi in l'isula di Ortigia grazia à a cusidditta Fonti Aratusa, un spichju d'acqua chì sfocia in u Portu Grandi di Siracusa.
Aratusa hè citata in i Puisii Ghjucosi di Paulu Matteiu di la Fuata [1]:
- Ci n'hè più fresca di quidda dla Scaledda ?
- Dlu Quarracciu, dla Sarra, dla Strimedda ?
- La Castalia è l'Ippucrena
- Poni metta si cun edda ?
- Ùn ci pò mancu Aratusa :
- Chì ni dici, o cara musa ?