باوکی پێغەمبەر داوود From Wikipedia, the free encyclopedia
یەسا (بە عیبری: יִשַׁי) کەسایەتییەکە لە پەرتووکی پیرۆزدا لە پەرتووکی یەکەمی ساموئێلدا باسی لێوە کراوە و باوکی پاشا داوود بوو کە سێیەم پاشای ئیسرائیل بوو. یەسا کوڕی عوبێد و نەوەى ڕاغوس موئابی و بۆعازە، لە بەیت لەحم لەدایکبووە و ژیاوە، لە ھۆزی یەھودا بووە و وەک جووتیار و شوان ژیاوە. بەگوێرەی پەرتووکی ساموئێل خوای گەورە داوای لە ساموئێل کردووە بچێتە ماڵی یەسا بۆ ئەوەی یەکێک لە کوڕەکانی بکاتە پاشای ئیسرائیل، بۆیە چوو و چاوی بە کوڕەکانی کەوت، خوداش بە ساموئێلی نەگوت کە کامیان ھەڵبژێردراوە بۆ ئەوەی ببێتە پاشای ئیسرائیل، پاشان ساموئێل پرسیاری لە یەسا کرد کە ئایا کوڕێکی ترت ھەیە و پێی وت کە کوڕە بچووکەکەی چاودێری مەڕەکانی دەکات. ساموئێل چووە لای داوود، خوداش بە ساموئێلی گوت کە ئەو کەسەیە کە ھەڵیبژاردووە بۆ ئەوەی ببێتە پاشای ئیسرائیل، بۆیە کردی بە پاشای ئیسرائیل.[1]
ھەروەھا یەسا داوودی کوڕی لەگەڵ ھەندێک خواردندا نارد بۆ براکانی کە لە شەڕدا بوون و کاتێک چوو بۆ ئەوێ، ڕووبەڕووی جالووتێکی بەھێز بووەوە و بەزاندی.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.