پارە (دراو)

پارە، پارەی عوسمانی، (لە فارسی پارھ , pâre, پارچە)^[1][2] دراوێکی پێشووی ئیمپراتۆرییەتی عوسمانی و تورکیا و میسر و مۆنتینیگرۆ و سڕبیا و ئەلبانیا و یووگۆسلاڤیا بووە.

پەنجا پارە ساڵی ١٩٦٥

لە ساڵی ١٥٢٤دا یاسانامەی عوسمانی ئاماژەی بە دراوی ئاسنیی میسڕی مەملوکەکان کردووە و بە «پارە» ناوی بردووە و بەھاکەی بەرامبەر 2+¹⁄₂ درھەم بوو. لە ساڵی ١٦٤٠ەوە بەھای پارە بە بەراورد بە ئاقچەی عوسمانی جێگیر کرا، ٣ پارە بە ١ «ئاقچە». لە سەدەی ١٦ و ١٧دا لە زۆر شوێنی ئیمپراتۆرییەتەکەدا، لە ئاسیا و باکووری ئەفریقا، «پارە» لێدرا.^[3] لە ساڵی ١٦٨٨دا «قڕوشی» عوسمانی ھاتە ئاراوە، کە یەکسان بوو بە ٤٠ «پارە». لە ساڵی ١٨٤٤دا، ھەر «قڕوشێک»، لە بەرامبەردا،¹⁄₁₀₀ لیرەی عوسمانی نوێ ناسێندرا.

لە سڕبیا، پارە para لە سەدەی نۆزدەھەمەوە وردەی دینار بووە. لە مۆنتینیگرۆ یەک پەرپەر بەسەر ١٠٠ پارە دابەشکرابوو لە نێوان ساڵانی ١٩٠٦ و ١٩١٨. لە ئەلبانیا، پارە پێش ھێنانەکایەی لێک لە ساڵی ١٩٢٦ وەک دراوێک بەکاردەھێنرا.

بە زمانی ئەلبانی و کوردی و یۆنانی و بولگاری و مەقدۆنی و مەندایی و ڕۆمانی و سڕبی و کرواتی و تورکی، پارا، پاری، پارێ، پارالێ، پارای، پاراجا یان paralar واتایەکی گشتییە بۆ پوول و دراو. لە کوردیا ڕەگی وشەی پارە بۆ پار (بەش) و پاروو و پارچە و پەرت دەگەڕێتەوە.

سەرچاوەکان

1. «Para - Define Para at Dictionary.com». Dictionary.com. لە ٥ی تشرینی یەکەمی ٢٠١٥ ھێنراوە.
2. «para nedir, ne demek, para anlamı - Sesli Sözlük». Sesli Sözlük. لە ٥ی تشرینی یەکەمی ٢٠١٥ ھێنراوە.
3. Pamuk، Şevket (2000). A monetary history of the Ottoman Empire. New York: Cambridge University Press. pp. 95–101, and map at 91. ISBN 0-511-00850-3. OCLC 52558565.

• دەروازەی مێژوو
• دەروازەی ئیمپراتۆریەتیی عوسمانی
• دەروازەی تورکیا