مەلا کرێکار
کەسایەتییەکی ئایینی / From Wikipedia, the free encyclopedia
نەجمەدین فەرەج ئەحمەد ناسراو بە مەلا کرێکار (٧ی تەممووزی ١٩٥٦ سلێمانی) زانا و چەکداری سوننەی عێراقییە کە دامەزرێنەر و سەرکردەی پێشووی گرووپی چەکداری ئیسلامی ئەنسارولئیسلام بووە. ئێستا لە ئیتاڵیا سزای زیندانی بەسەردا سەپێنراوە، دوای ئەوەی لە ساڵی ٢٠٢٠ لە نەرویجەوە ڕادەست کرایەوە.[2] ساڵی ١٩٩١ وەک پەنابەرێک لە کوردستانی عێراقەوە ھاتووەتە نەرویژ، ھاوسەرەکەی ڕووخۆش ئەحمەد[3] و چوار منداڵەکەی ڕەگەزنامەی نەرویژییان ھەیە، بەڵام خۆی نە. ماستەری لە فەرموودەناسیدا ھەیە، زمانەکانی کوردی، عەرەبی، فارسی، ئینگلیزی و نەرویژی دەزانێت. زیاتر لە ھەزار وانە و حەفتا پەرتووکی ھەیە و شاعیریشە و دیوانی شیعرەکانی ٣٠٠ لاپەڕەیە.[4] لایەنەکانی دژ بە مەلا کرێکار بە تیرۆریست ناوی دەبەن.[5][6] بەڵام خودی مەلا کرێکار و لایەنگرانی ئەمە ڕەت دەکەنەوە و لەسەر ئەم باوەڕەن کە مەلا کرێکار تیرۆریست نییە و ھیچ بەڵگەیەک بۆ سەلماندنی ئەم بابەتە نییە و دەڵێن دادگای نەرویژیش نەیتوانیوە تیرۆریستبوونی بسەلمێنێت.[7]
مەلا کرێکار | |
---|---|
لەدایکبوون | (١٩٥٦-٠٧-٠٧) ٧ی تەممووزی ١٩٥٦ (تەمەن ٦٧ ساڵ) |
نەتەوە | کورد |
ناوەکانی تر | مەلا کرێکار سەید قوتبی کورد |
پیشە | ئەمیری پێشووی ئەنسارولئیسلام |
چالاکبوون | ٢٠٠١–٢٠٠٣ |
حیزبی سیاسی | ئەنسارولئیسلام |
ئایین | ئیسلام |
ھاوسەر | ڕووخۆش ئەحمەد (١٩٨٤-ئێستا)[1] |
مناڵ(ەکان) | ٤ |
خزمەکان | خالید ڕەنجدەر (برا) |
وێبگە | https://www.krekar.co |