قووچەک

قووچەک یان کۆڤک (بە ئینگلیزی: Cone) جۆرێک ھێرەمە بنکەکەی شێوەی بازنەیی ھەیە. تەوەری قووچەک ئەو ھێڵەیە لوتکەکە بە چەقی بنکەکە دەگەینێت. دەشێت قووچەک لار یان وەستاو بێت، لە قووچەکی وەستاودا تەوەر لەسەر بنکە ئەستوونە و بەرزی بریتییە لە درێژی تەوەرەکە. جیاوازی قووچەک لە لوولەک لەوەدایە کە قووچەک یەک بنکەی ھەیە و لوتکەیەکی ھەیە لەجیاتی بنکەی دووەم.

وێنەی قووچەکی وەستاو و قووچەکی لار

قووچەکێکی دووانی

قەبارە

قەبارە ${\displaystyle V}$ بۆ ھەر قووچەکێک دەدۆزرێتەوە بە مەرجێک بەرزییەکەی ${\displaystyle h}$ و ڕووبەری بنکەکەی ${\displaystyle b}$ زانراو بێت. ھاوکێشەی قەبارەی قووچەک بەم شێوەیە:

${\displaystyle V={\frac {1}{3}}bh}$

قەبارەی قووچەکی وەستاو، یەکسانە بە ١⁄٣ قەبارەی لوولەکێک کە بە ھەمان بنکە و بەرزی دروست دەبێت کەوایە؛ قەبارەی قووچەکی وەستاو بە نیوەتیرەی ${\displaystyle r}$ و بەرزی ${\displaystyle h}$ بریتییە لە:

${\displaystyle V={\frac {1}{3}}\pi r^{2}h}$

پێناسەی بیرکارییانەی قووچەک

بە کۆمەڵی ${\displaystyle {\mathit {K}}}$ دەوترێت قووچەک ئەگەر بۆ ھەر ئەندامی (دانەی) ${\displaystyle x}$ لە کۆمەڵی ${\displaystyle {\mathit {K}}}$ ئەم مەرجە بێتە دی:

${\displaystyle x\in {\mathit {K}}\Rightarrow \theta x\in {\mathit {K}}}$^[1]

ئەمانەش ببینە

• بڕگەی قووچەکی
• لوولەک

سەرچاوەکان

• بیرکاری بۆ ھەمووان، کتێبی قوتابی پۆلی نۆیەمی بنەڕەتی- چاپی حەوتەم
• بەشداربووانی ویکیپیدیا، «مخروط»، ویکیپیدیای فارسی. سەردان لە ٢٩ ئازاری ٢٠١٨.

پەراوێزەکان

1. Bernstein, Dennis S. (2009-07-26). Matrix Mathematics: Theory, Facts, and Formulas (Second Edition). Princeton University Press. p. 97. ISBN 0-691-14039-1.

کۆمنزی ویکیمیدیا، میدیای پەیوەندیدار بە قووچەک تێدایە.

• دەروازەی ماتماتیک
• دەروازەی ئەندازە