![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/28/Zendaya_-_2019_by_Glenn_Francis.jpg/640px-Zendaya_-_2019_by_Glenn_Francis.jpg&w=640&q=50)
زێندایا
خانمەکتەر و گۆرانیبێژێکی ئەمریکی / From Wikipedia, the free encyclopedia
زێندایا ماریی ستۆرمەر کۆڵمان (/zɛnˈdeɪ.ə/؛ لەدایکبووی ١ی ئەیلوولی ١٩٩٦)[3] خانمەئەکتەر و گۆرانیبێژی ئەمریکییە. سەرەتا بە کاری مۆدێلی منداڵ و سەماکەری پاڵپشت دەستیپێکردووە، دواتر بەھۆی ڕۆڵی ڕۆکی بلوو لە سیتکەمی کەناڵی دیزنی بەناوی شەیک ئت ئەپ (٢٠١٠–٢٠١٣) ناوبانگی دەرکرد.
زێندایا | |
---|---|
Zendaya | |
![]() زێندایا لە پریمیەری ٢٠١٩ی فیلمی سپایدەرمان: دوور لە نیشتمان | |
لەدایکبوون | زێندایا ماریی ستۆرمەر کۆڵمان[1] (١٩٩٦-٠٩-٠١) ١ی ئەیلوولی ١٩٩٦ (تەمەن ٢٧ ساڵ) ئەوکلاند، کالیفۆرنیا، ئەمریکا |
پیشە |
|
چالاکبوون | ٢٠٠٩–ئێستا |
پیشەی مۆسیقی | |
چەشنەکان |
|
ئامێرەکان | ڤۆکاڵ |
کۆمپانیاکان |
|
وێبگە | zendaya |
واژوو | |
![]() |
لە ٢٠١٣دا، زێندایا بەشداربووی وەرزی شانزەھەمی زنجیرەی پێشبڕکێی سەما لەگەڵ ئەستێرەکان (Dancing with the Stars). لە ٢٠١٥ەوە تا ٢٠١٦، بەرھەمھێنەر ڕۆڵگێڕی کەی. سی. کووپەر بووە لە سیتکەمی کەی. سی. ئەندەرکەڤەر، و لە ٢٠١٩دا، دەستیکرد بە نواندنی ڕۆڵی سەرەکی لە زنجیرە درامای یوفۆریای کەناڵی ئێچ بی ئۆ، کە بەھۆیەوە ستایشێکی باشی لەلایەن ڕەخنەگرانەوە لێکرا و پاڵێورا بۆ خەڵاتی ھەڵبژاردەی ڕەخنەگران. نواندنەکانی لە فیلمدا بریتین لە چەند دانەیەکی پاڵپشت لە فیلنی موزیکاڵ و درامای گەورەترین ئاھەنگێڕ (The Greatest Showman) (٢٠١٧) و فیلمە سوپەرھیرۆکانی سپایدەرمان: گەڕانەوە بۆ نیشتمان (٢٠١٧) و سپایدەرمان: دوور لە نیشتمان (٢٠١٩).
زێندایا بە تۆمارکردنی گۆرانی و بڵاوکردنەوەیان لەلایەن خۆیەوە دەستی بە پیشەی مۆسیقا کردووە و دواتریش بڵاوکردنەوەی تاکەگۆرانییەکانی Swag It Out و Watch Me لە ٢٠١١، کە لەگەڵ بێڵا تۆرن وتوویەتی. لە ٢٠١٢دا، گرێبەستی لەگەڵ ھاڵیوود ڕیکۆردس کردووە و دواتر یەکەم تاکەگۆرانی بە ناوی Replay بڵاوکردووەتەوە، کە گەیشتووەتە پلەی ٤٠ەم لە لیستی بیلبۆرد ھۆت ١٠٠ لە ئەمریکا. لە ٢٠١٣، ئەلبومەکەی کە بە ناوی خۆیەوە بوو بە پلەی ٥١ەم دەرچوو لیستی بیلبۆرد ٢٠٠. گۆرانیی Rewrite the Starsی ساوندتراکی گەورەترین ئاھەنگێڕ (The Greatest Showman) وەک تاکەگۆرانییەک لە ساڵی ٢٠١٨ بڵاوکرایەوە. تاکەگۆرانییەکە گەیشتە تۆپ ٢٠ی بەریتانیا و لیستە نێودەوڵەتییەکانی ئوسترالیا و پلەی پلاتینۆمی پێدرا لە ئەمریکا و بەریتانیا و دەبڵ پلاتینۆم لە ئوسترالیا.