ئۆبژەی ماتماتیکی

لە ماتماتیک و فەلسەفەکەیدا، ئۆبژەی ماتماتیکی ئۆبژەیەکی دەرھەستە کە لە ماتماتیکدا قوت بووەتەوە. ئەوانەی کە ڕەنگە زۆرتر ڕووبەڕوویان ببینەوە بریتین لە ژمارەکان، کۆمەڵەکان، خاڵەکان، ھێڵەکان، سێگۆشەکان، بازنەکان و، گەلێ شتی تر.

لە فەلسەفەی ماتماتیکدا، تێگەیشتەی ئۆبژەی ماتماتیکی دەست دەنێتە سەر باس و بابەتگەلێ وەکوو ھەبوون و ھەرھەمانی و سروشتی واقیع. لە مێتافیزیکدا، ئۆبژە ئەغڵەب لە گوێن ھەبوویەکی خاوەن تایبەتمەندی ڕەچاو دەکرێ کە دەتوانێ لەگەڵ ھەبووی ترا پەیوەندیی جۆراوجۆری ببێ. قسەملانێی فەیلەسووفان لە بابەت ئۆبژەگەلی ماتماتیکییەوە زیاتر دەگەڕێتەوە بۆ ئەوە کە ئاخۆ لە دەرەوەی زەین و ھزری مرۆڤیشەوە ھەن یا نا. باوەڕمەندان بە ڕیالیزم دەڵێن ھەن، بەڵام، باوەڕمەندان بە ئیدیالیزم و نۆمینالیزم دەڵێن بوونیان ھەڵواسراوی زەین و زمانە.^[١]

سەرچاوەکان

1. Rettler، Bradley (2024)، Zalta، Edward N. (ed.)، «Object»، The Stanford Encyclopedia of Philosophy (Summer 2024 ed.)، Metaphysics Research Lab, Stanford University، لە 2024-12-25 ھێنراوە

بەستەرە دەرەکییەکان

• پێشانگای شتگەلی ماتماتیکی (ئینگلیزی)
• کارخانەی شتگەلی ماتماتیکیی زۆر سەیر (ئینگلیزی)

• دەروازەی ماتماتیک
• دەروازەی زانست
• دەروازەی فەلسەفە

کۆمنزی ویکیمیدیا، میدیای پەیوەندیدار بە ئۆبژەی ماتماتیکی تێدایە.