From Wikipedia, the free encyclopedia
شەڕی مووسڵ ئەو شەڕەیە لە ١٦ی تشرینی یەکەمی ٢٠١٦ [1][2] لەلایەن سووپای عێراق و پێشمەرگەی هەرێمی کوردستان بەهاوبەشی لەگەڵ هاوپەیمانەکانییان لەدژی دەوڵەتی ئیسلامی لە عێراق و شام دەستیپێکرد بەمەبەستی کۆنتڕۆڵکردنەوەی مووسڵ.[3][4][5] ئەمەش دوای ئەوەی شارەکە لە حوزەیرانی ٢٠١٤ لەلایەن دەوڵەتی ئیسلامی ناسراو بەداعش کۆنتڕۆڵکرابوو. درووشمی شەڕەکەش (ئێمە دێین، نەینەوا).[6][7]
شەڕی مووسڵ | |
---|---|
![]() | |
بەشێکە لە | شەڕی عێراق (٢٠١٤–٢٠١٧)، US-led intervention in Iraq |
وڵات | عێراق |
جێ | پارێزگای ھەولێر، پارێزگای موسڵ |
پۆتانی شوێن | |
کاتی ڕوودان | ١٦ی تشرینی یەکەمی ٢٠١٦ |
ڕێکەوتی دەستپێکردن | ١٦ی تشرینی یەکەمی ٢٠١٦ |
![]() | |
بە پێی ئەو زانیارییانەی کە لە (وەزارەتی بەرگری ئەمریکا)وە بڵاو کراونەتەوە، ژمارەی چەکدارانی (داعش) لە نێو شاری موسڵدا لە نێوان ٣،٠٠٠ - ٥،٠٠٠ چەکدارە. وە سەربازانی سووپای کە ئامادەن، لە نزیکەی ٩٤،٠٠٠ سەربازن، بەڵام ئەوانەی کە بەشداریەن پێدەکرێ لە ئۆپڕاسیۆنی مووسڵ نادیارە، نزیکەی ٤٠،٠٠٠ پێشمەرگە بەشدارن لە شەڕەکە. وە هێزەکانی نێو (هاوپەیمانیەتی دژ بە داعش)، هەر یەکێک و بە ژمارەیەکی جیاواز و شێوازی جیاواز بەشدارن، بەڵام وڵاتی تورکیا کە ژمارەی سەربازانی لە نزیک موسڵ لەنێوان ١،٥٠٠ بۆ ٢،٠٠٠ سەربازن، لە نێو خاکی عێراق نیشتەجێ بوون، کە بوونی ئەو هێزەش بووەتە هۆی درووستبوونی کێسشەی سیاسی لە نێوان هەردوو دەوڵاتی (عێراق - تورکیا).
لە حوزەیرانی ٢٠١٤ شاری مووسڵ کە دووەم گەورەترین شاری عێراقە، لەمیانەی شەڕی ٢٠١٤ی مووسڵ کەوتە ژێردەستی دەوڵەتی ئیسلامی لە عێراق و شام. وە بەهۆی ئەوەی زۆرینەی دانیشتوانی مووسڵ پەیڕەوی سوننە مەزهەبن ئەوا شارەکە بەئاسانی کەوتە دەست دەوڵەتی ئیسلامی.
لەبەرەبەیانی ١٦ تشرینی یەکەمی ٢٠١٦، حەیدەر عەبادی سەرۆک وەزیرانی عێراق شەڕی کۆنتڕۆڵ کردنەوەی موسڵی ڕاگەیاند.
لەئاستی ناوخۆ کەناڵە کوردییەکان و عێراقییەکان شەڕەکەیان بەشێوەی ڕاستەوخۆ گواستەوە، هەروەها میدیا عەرەبییەکانی دەرەوە و جیهانییەکانیش گرنگی تایبەتییان بەو شەڕەدا.[8]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.