Джабна Руми

Джабна Руми (масри جبنة رومى Gebna Rūmi) — Мисаран нехчан сортех коьртачех цхьаъ, уггаре гӀараяьлла Мисрара онда нехча^[1]. ЧӀогӀа хьожа ю, тайп-тайпана тӀегӀанера дуьро чам хуьлу (чомалахь латторе хьаьжжина)^[2].

Джабна Руми
масри جبنة رومى Gebna Rūmi
Схьаяьлла мохк	Мисар

Схьаялар ду грекийн нехчанах Кефалотири. Манчего, Идиасабаль, Пекорино Романо нехчанийн доьзалера ю^[3]. Йо цӀена аьттан шурех я аьттан шура гомаш шуьрийца иэйой^[4]. Шо боллар ца леладо^[5]. ТӀетоха мега Ӏаьржа бурч^[4]. Кийча сурсат арахоьцу экъан кепара 10 кг барам болуш я вакуум йолу пхьегӀан чохь цастаршкахь. Еттача кӀадло, кӀеззиг даьтта а долуш, амма шен кеп ца хуьйцу^[4]. Дааран мехалла — 100 г чохь 353 ккал, хьоналла — 28 %^[6].

3—4 бутт баьлча цаста мега. 3 шо гергга хан яьлчи юккъера кхиаран тӀегӀане кхочу, 8—12 шо даьлча «шира» лору. Хан алсама мел ели кӀуон а, цуьргаш дуьйлуш а хуьлу^[4].

Эксперимент еш лакхара 70 - 75 °C температурехь цӀиййеш, лахарчу 4 % - 2 % хьоналла йолчу шуьрех йора дика мегар йолуш нехча. Чекхъяьккхина шуран ультрафильтрат тӀетоьхча даьтта а, тӀуналла а охьаяьккхича, тӀекхетара белок, цуо нехчан консистенции алсама чӀагӀйо^[7].

Аспергилл (Aspergillus ochraceus) матар ца тасийтархьама а, охратоксинан биосинтез ца хилийтархьама а, нехча шоврахь йоллучу хенахь лелайо шалмаз^[8].

Билгалдахарш

1. Fox, 1999, p. 431.
2. African Cheese(ингалс.) (бил-боцу.). iFood.tv.
3. Fox, 2004, p. 11.
4. Varieties of Cheese(ингалс.) (бил-боцу.). Clovegarden.
5. Tamime, 2011, p. 143.
6. Egyptian Roomy Cheese: пищевая ценность (бил-боцу.). MyFitnessPal, Inc (2012). Архивйина 2019-04-12 — Wayback Machine
7. Липиды. Архивйина 2014-12-25 — Wayback Machine Всё о технологии молока.
8. Применение прополиса в медицине // «Её величество пчела» : международный пчеловодческий журнал. — 2013. — № 3. — С. 23.

Литература

• Cheese: Chemistry, Physics and Microbiology. Volume 2: Major Cheese Groups(ингалс.) / Edited by Patrick F. Fox. — Second edition. — Aspen, 1999. — 577 с. — ISBN 978-0-8342-1339-5.
• Cheese: Chemistry, Physics and Microbiology. Volume 2: Major Cheese Groups(ингалс.) / Edited by Patrick F. Fox and other. — Third edition. — Elsevier, 2004. — ISBN 978-0-1226-3653-0.
• Tamime, A. Y. Cheese Flavours // Processed Cheese and Analogues(ингалс.). — John Wiley & Sons, 2011. — ISBN 978-1-4443-4183-6.