Asia es el mas grande continente del mundo, y por terrestre superficie y por poblacion. Ta cubri ele con un superficie de mas de 44 maga millon de maga kilometro cuadrao, aproximadamente el 30% del total terrestre superficie del Tierra y el 8% del total superficie del Tierra. El continente, durante mucho tiempo el hogar del mayoria del mundial poblacion, fue el sitio de manada del maga primer civilizacion. Ta constitui el de suyo 4.7 mil millon de maga persona alrededor del 60% del mundial poblacion.
![Thumb](http://upload.wikimedia.org/wikipedia/commons/thumb/f/fa/Populous_Asia_%28physical%2C_political%2C_population%29_with_legend.jpg/640px-Populous_Asia_%28physical%2C_political%2C_population%29_with_legend.jpg)
Ta comparti Asia con el continental masa de Eurasia con Europa, y de Eurafrasia con Europa y Africa. Na maga general termino, ta limita ele al este con el Pacifico Oceano, al sur con el Indico Oceano y al norte con el Artico Oceano. El frontera de Asia con Europa es un historico y social constructo, kay nuay ningun claro fisico y geografico separacion entre ellos. Algo arbitrario este borde, y ya cambia ele desde el de suyo primero concepcion na el clasico antigüedad. Ta refleja el division de Eurasia na dos maga continente con el dicotomia este–oeste. Basao tal dicotomia na maga cultural, lingüistico y etnico diferencia, que tiene vez ta varia na un espectro na lugar de un nitido divisorio linea. Ta situa un comunmente aceptao division con Asia al este del Canal de Suez, separando conele de Africa, y al este del maga Turco Estrecho, el maga monte Ural y el rio Ural, y al sur del Cordillera del Caucaso y el maga Caspio y Negro Mar, separando conele de Europa.
Ya intercambia maga lugar China e India como el maga mas grande economia del mundo desde 1 hasta 1800 EC. China fue un gran economico potencia durante gran parte del registrao historia, con el mas alto IBP per capita hasta 1500, y para mucha gente, personificao Asia por el legendario riqueza y prosperidad del antiguo cultura del India, atrayendo con el europeo comercio, exploración y colonialismo. Ya queda el Ruta del Seda el principal comercial ruta este–oeste na el interior de Asia mientras que fue el Estrecho de Malaca un importante maritimo ruta. Ya expone Asia con economico dinamismo ademas de robusto crecimiento del poblacion durante el aca-20 siglo, pero por lo general ya cae el crecimiento del poblacion. Asia fue el lugar de nacimiento del mayoria del maga principal religion del mundo, incluio el hinduismo, el zoroastrianismo, el judaismo, el jainismo, el budismo, el confucianismo, el taoismo, el cristianismo, el islam, el sijismo y manada mas.
Ta varia Asia na gran medida a traves y dentro del de suyo maga region, con respecto al maga etnico grupo, el maga cultura, el maga entorno, el maga economia, el maga historico lazo y el maga sistema de gobierno. Ta tene tambien ele con un mezcla de manada diferente clima desde el ecuatorial sur, pasando por el calido desierto del Medio Oriente, el maga templao zona del este y el continental centro, hasta el maga vasto subartico y polar zona de Siberia.
Etimologia
Baka ya origina el termino "Asia" na el toponimo (del Edad del Bronce) Assuwa (Plantilla:Lang-hit), que originalmente ya referi lang a un porcion del noroeste de Anatolia. Ta aparece el termino na el maga hitito texto relatando como un confederacion de maga assuwan estado, incluio Troya, ya rebela sin exito contra el hitita rey si Tudhaliya I alrededor del año 1400 AEC. Ya contene maga documento (na Lineal B, mas o menos contemporaneo) con el termino asiwia (Plantilla:Lang-gmy), baka refiriendo al maga cautivo del mismo area.
![Thumb](http://upload.wikimedia.org/wikipedia/commons/thumb/c/ca/Roman_Empire_-_Asia_%28125_AD%29.svg/640px-Roman_Empire_-_Asia_%28125_AD%29.svg.png)
Ya usa si Herodoto con el termino Ἀσία (Asia) na referencia a Anatolia y el territorio del persa Imperio, na contraste con Antigua Grecia y Antiguo Egipto. Ya relata ele (1) que ya asumi el maga griego que nombrao Asia por el esposa de Prometeo, pero (2) que segun el maga lidio nombrao el region por si Asies, hijo de si Cotis, que ya transmiti con el nombre a un tribu de Sardes. Na el griego mitologia, Asia (Ἀσία) o Asie (Ἀσίη) fue el nombre de un "diosa de Lidia, o ninfa o titan". Ya menciona el Iliada (atribuio por el maga antiguo griego a si Homero) con dos maga frigio na el Guerra de Troya nombrao Asios (un adjetivo que ta significa "Asiatico") ademas de menciona con un pantano (o llanura que contiene un pantano) na Lidia, nombrao un ασιος asios. Segun manada musulman, ya proveni el termino del Reino Asiya (del Antiguo Egipto), el adoptivo madre de si Moises.
Mas tarde adoptao el termino por el romano gente, que ya usa conele en referencia al provincia de Asia, ubicao na el oeste de Anatolia. Uno del maga primer escritore na usa con Asia como nombre de todo el continente fue si Plinio el Viejo. (Desde el punto de vista de si Plinio, basicamente ya significa "Asia" con Anatolia, India —casi visitao por si Alejandro Magno—, el maga tierra entre este maga, y el semi-mitico tierra de Serica, es deci, China.)
Na el maga lengua del cultural esfera de maga chino caracter, usao maga palabra relacionao al chino palabra 亜細亜 Yàxìyà "Asia". Criticao este termino por implica con un inferioridad del continente debio al caracter 亜 "inferior". Sin embargo, es un mero fonetico representacion.
Historia
![Thumb](http://upload.wikimedia.org/wikipedia/commons/thumb/c/cb/Silkroutes.jpg/640px-Silkroutes.jpg)
![Thumb](http://upload.wikimedia.org/wikipedia/commons/thumb/3/3f/Mongol_dominions1.jpg/640px-Mongol_dominions1.jpg)
Interpretable el historia de Asia como el maga distinto historias de manada periferico costero region: Oriental Asia, Asia del Sur, el Asiatico Sudeste, Central Asia y Occidental Asia. El costero periferia fue el hogar de algun maga del maga primer conocio civilizacion del mundo, cada uno desarrollando alrededor de maga fertil fluvial valle. Ya comparti el maga civilizacion na Mesopotamia, el Valle Indo y el Amarillo Rio con manada similitud. Muy posible que ya intercambia este maga civilizacion con tal maga tecnologia e maga idea como el matematica y el rueda. Mientras tanto, ya desarrolla independientemente otro maga inovacion, como el escritura. Na este maga bajo tierra ya desarrolla maga ciudad, maga estado y maga imperio.
Desde mucho tiempo, ya inhabita maga nomada montao a caballo, capaz de alcanza a todo el maga zona de Asia desde el maga estepa, con el central estepario region. El primero postulao expansion fuera del estepa fue el del protoindoeuropeo pueblo, que ya difundi con el de ellos lengua por el Medio Oriente, el sur de Asia y el maga frontera de China, donde ya residi el maga tocario. El mas septentrional parte de Asia, incluio gran parte de Siberia, mayoritariamente inaccesible para el maga nomada del estepa, debio al maga bosque denso, el clima y el tundra. Muy escasamente poblao pa este maga area.
Ta separa maga montaña y maga desierto con el centro y el maga periferia. Ya forma el maga montaña del Caucaso y del Himalaya, y el maga desierto de Karakum y de Gobi con manada barrera que ya puede atravesa el maga jinete del estepa, pero con dificultad lang. Masquen mas avanzao tecnologica y socialmente el maga urbano habitante del ciudad, na manada situacion ya puede lograr poco militarmente para resisti con el maga montao horda del estepa. (Na efecto, ta proveni el de kanaton palabra horda de un mongol fuente.) Sin embargo, hinde ya tene el maga bajo tierra con maga suficiente abierto pastizal para soporta con un gran fuerza a caballo, ansina que, por este y otro maga razon, frecuentemente ya adapta el maga nomada —que ya conquista con maga estado na China, India y el Oriente Medio— al maga local y mas prospero sociedad.
Debio al maga derrota del islamico califato sobre el maga bizantino y persa Imperio ya cae Occidental Asia y maga sureño parte de Central Asia bajo el control de este califato durante el de suyo maga conquista del aca-7 siglo. Ya conquista el mongol Imperio con un gran parte de Asia na el aca-13 siglo, un area extendiendo desde China hasta Europa. Antes del mongol invasion, reportao que ya tene el dinastia Song con aproximadamente 120 maga millon de maga ciudadano, pero ya reporta el censo de 1300, que ya segui con el invasion, con aproximadamente 60 maga millon de maga persona.
Creio que ya origina el negro peste, uno del maga mas devastador pandemia del historia del humanidad, na el maga arido llanura de Central Asia, donde luego ya viaja a lo largo del Ruta del Seda.
Ya empeza el ruso Imperio a expandi na Asia desde el aca-17 siglo, y eventualmente ya controla con todo Siberia y el mayor parte de Central Asia a maga final del aca-19 siglo. Ya controla el otomano Imperio con Anatolia, el mayor parte del Medio Oriente, el norte de Africa y el maga Balcan desde maga mediao del aca-16 siglo na adelante. Na el aca-17 siglo, ya conquista el maga manchu con China y ya establece con el dinastia Qing. Ya controla el islamico mogol Imperio y el hindu maratha Imperio con gran parte del India na el maga aca-16 y aca-18 siglo respectivamente.
Ya coincidi el occidental imperialismo na Asia con el Industrial Revolucion na el Occidente y el destronamiento del India y China como el maga principal economia del mundo.
- Ya queda dominante el britanico Imperio na Asia del Sur, con maga gran parte del region primero conquistao por maga britanico comerciante antes de cae bajo el directo britanico dominio; ya duplica el extremo pobreza a mas del 50% durante este epoca.
- Ya disputa y ya dividi el maga britanico y el maga frances con el Medio Oriente, mientras que ya dividi el maga britanico, el maga holandes y el maga frances con el Asiatico Sudeste.
- Ya domina cuanto occidental potencia con China na cosa conocio mas tarde como el siglo del humillacion. Debio al comercio de opio (soportao por el maga britanico) y el maga mas tardio Guerra del Opio, forzao el maga chino na un situacion sin precedente de importa mas de cosa ya exporta.
- Ya aumenta el Imperio del Japón con el extranjero dominacion de China. Ya controla este imperio con el mayor parte de Oriental Asia y gran parte del Asiatico Sudeste, Nueva Guinea y el maga isla del Pacifico durante este epoca. Facilitao el dominacion de Japón por el de suyo rapido ascenso que ya tene lugar durante el era Meiji de maga final del aca-19 siglo, na el que ya aplica ele con el industrial conocimiento aprendio del Occidente y ansina ya apodera del resto de Asia.
Con el fin del Segunda Mundial Guerra na 1945 y el ruina de Europa y el imperial Japón por causa del guerra, ya puede manada pais de Asia libera rapidamente del colonial dominio. Con el independencia del India ya veni el particion de un separao pais para el mayoria del maga indio musulman, mas tarde particionao de nuevo para queda el maga pais de Pakistan y Bangladesh.
Ya aprovecha algun maga arabe pais economicamente con el maga enorme yacimiento de petroleo descubierto na el de ellos maga territorio, quedando influyente a mundial nivel. Ya queda maga nacion del Oriental Asia (ademas de Singapur na el Asiatico Sudeste) economicamente prospero con maga "economia tigre" con maga alto nivel de crecimiento. Durante este periodo ya recupera China con el de suyo lugar entre el dos maga principal economia del mundo na el aca-21 siglo. Ya crece significativamente el India debio al economico liberalizacion na India que ya empeza durante el decada de 1990, con el extremo pobreza ya debajo del 20%.
- Usao el tripartito division del Viejo Mundo na Europa, Asia and Africa desde el aca- 6 siglo AEC, debio a maga greco-romano geografo como Anaximandro y Hecateo de Mileto.
- Mapa de Asia na 1825 por si Sidney Edwards Morse.
- Mapa de occidental, sureño y central Asia na 1885.[2]
- El mapa de Asia na 1796, que ya inclui tambien con el continente de Australia (na aquel entonces conocio como Nueva Holanda.)
- Mapa de Asia na 1890.
Turismo
![Thumb](http://upload.wikimedia.org/wikipedia/commons/thumb/0/08/%E0%B8%A7%E0%B8%B1%E0%B8%94%E0%B8%9E%E0%B8%A3%E0%B8%B0%E0%B8%A8%E0%B8%A3%E0%B8%B5%E0%B8%A3%E0%B8%B1%E0%B8%95%E0%B8%99%E0%B8%A8%E0%B8%B2%E0%B8%AA%E0%B8%94%E0%B8%B2%E0%B8%A3%E0%B8%B2%E0%B8%A1-5.jpg/640px-%E0%B8%A7%E0%B8%B1%E0%B8%94%E0%B8%9E%E0%B8%A3%E0%B8%B0%E0%B8%A8%E0%B8%A3%E0%B8%B5%E0%B8%A3%E0%B8%B1%E0%B8%95%E0%B8%99%E0%B8%A8%E0%B8%B2%E0%B8%AA%E0%B8%94%E0%B8%B2%E0%B8%A3%E0%B8%B2%E0%B8%A1-5.jpg)
Debio al creciente regional turismo (predominantemente chino el maga visitante) ya libera MasterCard con el Global Indice de maga Ciudad de Destino de 2013 (English: Global Destination Cities Index 2013). Un decena (del 20 maga ciudad alistao) son na Asia o el Pacifico. Ademas, por primera vez ya logra un asiatico ciudad (Bangkok) con el rango numero uno con 15.98 maga million de maga internacional visitante.
Maga moderno conflicto y evento
![Thumb](http://upload.wikimedia.org/wikipedia/commons/thumb/c/cb/A_refugee_special_train_at_Ambala_Station_during_partition_of_India.jpg/640px-A_refugee_special_train_at_Ambala_Station_during_partition_of_India.jpg)
![Thumb](http://upload.wikimedia.org/wikipedia/commons/thumb/1/10/Napalm.jpg/640px-Napalm.jpg)
![Thumb](http://upload.wikimedia.org/wikipedia/commons/thumb/5/5e/June9protestTreefong01.jpg/640px-June9protestTreefong01.jpg)
Alistao aqui algun maga del maga crucial acontecimiento na Asia, relacionao con el relacion con el exterior mundo na el posguerra del Segundo Mundial Guerra.
- El particion del India (1947)
- Ya lleva al creacion del India y Pakistan, dando forma al politico panorama na el sur de Asia.
- El indo-pakistani guerra de 1947
- Librao por el principesco estado de Jammu y Cachemira, preparando con el escenario para maga conflicto futuro.
- El chino civil guerra (1927–1949)
- Ya culmina con el establecimiento del Popular Republica China bajo el Comunista Partio de China.
- El guerra de Corea (1950–1953)
- Ya involucra con maga internacional fuerza y ya lleva al division del coreano peninsula.
- El guerra de Indochina (1946–1954)
- Ya termina con el derrota del maga frances colonial fuerza y el particion de Vietnam.
- El guerra de Vietnam (1955–1975)
- Un prolongao conflicto con maga importante global implicacion, especialmente durante el Frio Guerra.
- El sino-vietnamita guerra (1979)
- Conflicto entre China y Vietnam tras el vietnamita invasion de Camboya.
- El ocupacion de Timor Oriental por Indonesia (1975–1999)
- Ya involucra con el anexion por Indonesia y el de suyo posterior independencia a traves de un referendum respaldao por el ONU.
- El guerra de Afghanistan (1978-1992)
- El sovietico intervencion na Afghanistan, contribuyendo al ascenso del maga muyahidin.
- El guerra entre Iran e Iraq (1980–1988)
- Conflicto de largo duracion con maga regional e internacional implicacion.
- El guerra del Golfo (1990–1991)
- Debio al invasion por Iraq de Kuwait, necesitando con internacional intervencion.
- El disolucion del Sovietico Union (1991)
- Ya marca con el fin del Frio Guerra y el surgimiento de maga independiente estado.
- El guerra de Afghanistan (2001-2021)
- Intervencion liderao por el maga Estados Unidos despues del 11 de septiembre con maga duradero consecuencia.
- El guerra de Iraq (2003–2011)
- Ya lleva al derrocamiento de si Saddam Hussein y el consiguiente inestabilidad.
- El Arabe Primavera (2010–2012)
- Una serie de maga levantamiento y maga protesta na todo el arabe mundo, influenciando con el maga regional dinamica.
- El sirio civil guerra (2011–presente)
- Conflicto na curso con maga amplio humanitario implicacion.
Cultura
El cultura de Asia es un diverso mezcla de maga costumbre y maga tradicion practicao por el maga diverso etnico grupo del continente durante manada siglo. Dividio el continente na seis maga geografico subregion: Asia del Norte, Asia del Sur, Asiatico Sudeste, Central Asia, Occidental Asia y Oriental Asia. Definio este maga region por el de ellos maga cultural similitud, incluio maga comun religion, idioma y etnia. Ta tene el Oriental Asia, tambien conocio como el Asiatico Sudoeste o el Medio Oriente, con maga cultural raiz na el maga antiguo civilizacion del Fertil Creciente y Mesopotamia —que ya dale lugar al maga persa Imperio (ya Irán), el islamico Imperio (ya el arabe mundo) y el otomano Imperio (ya Turquía)— ademas del maga abrahamico religion del judaismo, el cristianismo y el islam. Este maga civilizacion, ubicao na el maga montañoso flanco, entre el maga mas antiguo na el mundo, con evidencia de agricultura remontando a alrededor del 9000 AEC. A pesar del maga desafio planteao por el gran tamaño del continente y el presencia de maga natural barrera como maga desierto y maga montañoso cadena, ya ayuda el comercio a crea con panasiatico compartio por todo el region.
Maga Premio Nobel
![Thumb](http://upload.wikimedia.org/wikipedia/commons/thumb/9/91/Rabindranath_Tagore_in_1909.jpg/640px-Rabindranath_Tagore_in_1909.jpg)
El polimata si Rabindranath Tagore —un bengali poeta, dramaturgo y escritor de Santiniketan, ahora na Occidental Bengala, India— fue na 1913 el primer asiatico laureao del Premio Nobel. Ya gana ele con el Premio Nobel de Literatura por el notable impacto que ya tene el de suyo maga obra na prosa y poetico pensamiento na ingles, frances y otro maga nacional literatura de Europa y America. Ademas ya escribi ele con el maga nacional himno de Bangladesh y el India.
Entre otro maga asiatico escritor que ya gana con el Premio Nobel de Literatura son si Yasunari Kawabata (Japón, 1968), si Kenzaburō Ōe (Japón, 1994), si Gao Xingjian (China, 2000), si Orhan Pamuk (Turquía, 2006) y si Mo Yan (China, 2012). Ta considera algun gente con el americano escritor si Pearl S. Buck como un honorario asiatico laureao, por el de suyo considerable estancia na Asia como el anak de maga misionero. Ya gana el Premio Nobel de Literatura na 1938 por el de suyo obra, fuertemente basao na el maga experiencia del de suyo padre.
Ademas, ya recibi si Teresa de Calcuta y si Shirin Ebadi de Irán con maga Premio Nobel del Paz por el de ellos maga significativo y pionero esfuerzo na favor del democracia y el maga humano derecho, especialmente por el maga derecho del maga mujer y del maga anak. Si Ebadi el primer iraní y el primer musulman mujer na recibi con el premio.
Otro ganador del Premio Nobel del Paz es Aung San Suu Kyi de Birmania por el de suyo pacifico y hinde violente lucha bajo un militar dictadura na Birmania. Budista ele, y premiao na 1991.
Tambien ya recibi el chino disidente si Liu Xiaobo con el Premio Nobel del Paz por "el de suyo largo y hinde violente lucha por el maga fundamental humano derecho na China" (English: his long and non-violent struggle for fundamental human rights in China) el 8 de octubre de 2010. Ele el primer chino ciudadano en recibi con un Premio Nobel de cualquier tipo mientras residi na China. Na 2014, ya comparti si Kailash Satyarthi del India y si Malala Yousafzai de Pakistan con el Premio Nobel del Paz por "el de suyo lucha contra la supresion del maga anak y el maga jovenes y por el derecho de todo el maga anak al educacion" (English: their struggle against the suppression of children and young people and for the right of all children to education).
Si Chandrasekhara Venkata Raman el primer asiatico na recibi con un Premio Nobel de un ciencia. Mas especificamente, ya gana ele con el Premio Nobel de Fisica por "el de suyo trabajo sobre el dispersion del luz y para el descubrimiento del efecto nombrao por ele" (English: his work on the scattering of light and for the discovery of the effect named after him).
Ya gana Japón con el mayor cantidad de maga Premio Nobel de cualquier asiatico nacion con 24, seguido por el India, que ya gana con 13.
Si Amartya Sen (nacido el 3 de noviembre de 1933) es un indio economista galardonao con el Premio Nobel de Economia na 1998 por el de suyo maga contribucion al economia del bienestar y el teoria del social eleccion, y por el de suyo interes na el maga problema del maga mas pobre miembro del sociedad.
Ta inclui otro maga asiatico ganador del Premio Nobel con si Subrahmanyan Chandrasekhar, si Abdus Salam, si Robert Aumann, si Menachem Begin, si Aaron Ciechanover, si Avram Hershko, si Daniel Kahneman, si Shimon Peres, si Yitzhak Rabin, si Ada Yonath, si Yasser Arafat, si José Ramos-Horta y Mons. Carlos Filipe Ximenes Belo de Timor Leste, si Kim Dae-jung y 13 maga japones cientifico. De Japón e Israel el mayoria del maga dicho laureao, con excepcion de si Chandrasekhar y si Raman (India), si Abdus Salam (Pakistan), si Arafat (maga Palestino Territorio), si Kim (Corea del Sur) y si Horta y si Belo (Timor Leste).
Na 2006, ya gana si Muhammad Yunus de Bangladesh por el establecimiento del Banco Grameen, un banco de comunitario desarrollo que presta con cen al maga pobre, especialmente al maga mujer. Conocio si Yunus por el concepto del microcredito, que ta permiti el endeudamiento de cen por el maga pobre y el maga destituto. Ya devolve el maga prestatario con el cen dentro del especificao plazo y muy bajo el impago. Ya recibi el aca-14 Dalai Lama con el Premio Nobel del Paz na Oslo, Noruega na 1989.
Mira tambien
Maga especial tema:
- Asia del Norte
- Asia del Sur
- Asia–Pacifico
- Asiatico gente
- Asiatico Monetario Unidad
- Asiatico mueble
- Asiatico siglo
- Asiatico Sudeste
- Central Asia
- Eurasia
- Extremo Oriente
- Fauna de Asia
- Gastronomia de Asia
- Maga Asiatico Juego
- Maga Asiatico Parajuego
- Maga bandera de Asia
- Medio Oriente
- Mediterraneo Levante
- Mediterraneo Oriental
- Proximo Oriente
- Occidental Asia
- Oriental Asia
- Oriental mundo
- Panasianismo
Maga lista:
- Lista de maga ciudad na Asia
- Lista de maga metropolitano area de Asia
- Lista de maga soberano estado y maga territorio dependiente na Asia
Maga proyecto:
- Sistema de maga carretera y maga autopista de Asia
- Transasiatico ferrocarril