Леся Украинка

Леся Украинка (украин: Леся Українка; жэнхэни нэрэ украин: Лариса Петрівна Косач-Квітка 1871 оной 2 һарын 25, Новоград-Волинський — 1913 оной 8 һарын 1, Сурами) болбол украин ирагуу найрагша, уран зохёолшо мүн. Удха зохёолой шүүмжэлэл, зүжэгэй уралиг, сэдхүүл зүй, түүхэ, этнографи, фольклор, хүгжэм шэнжэлдэг байһан юм. Леся Украинка уг үндэһөөрөө хубисхалта романтизмын ба шүүмжэлхы реализмын ажалябуулагша байһан юм.

Леся Украинка
Леся Українка
Ажал үйлэ:	шүлэгшэ
Түрэһэн үдэр:	13 (25) 2 һарын 1871 оной[1]
Түрэһэн газар:	Звягель[d], Изяславская губерния[d], Ородой эзэнтэ улас
Эрхэтэнэй харьяалал:	Украйн
Наһа бараһан үдэр:	1913 оной 8 һарын 1(1913-08-01)[1][2][3][4] (42 наһатай)
Наһа бараһан газар:	Сурами[d], Тифлисская губерния[d], Ородой эзэнтэ улас[5]
Гарай үзэг:

Леся Украинка 1871 оной 2 һарын 25-да түрэһэн юм. Айхабтар ехэ бэлигтэй, ниигэмэй ажабайдалые шэнжэлэн үзэхэһөө гадна, мүн тэмсэхэ гэһэн халуун хүсэлэнтэй, угаа ехэ эрдэм ухаанай болон уран зохёол эрдэмтэй тэрэ хадаа бага наһатай ябахаһаа хойшо уушханай ханяаданда нэрбэгдэһэн байгаа.

Шэнэшлэгшэ-уран зохёолшо ба ехэ ухаан бодолто байһан Леся Украинка зүжэгтэ илангаяа мэдээжэ байна. «Катакомбанууд соо» (1905) гэһэн тэрэнэй зүжэг католик шажан мүргэлдэ болон дарлагшадта эсэргүүсэн тэмсэхээр зорюулагданхай. Тэрээн соохи геройнь Прометейн харгыгаар ябана. «Ойн дуун» (1911) гэжэ тэрэнэй гайхамшагта зүжэг арадай аман зохёол аялгаар бэшэгдэнхэй, зүжэг дотор Леся Украинка бага наһаяа дурсажа, Полисся байгаалитай түрэл нютаг Волыниие магтана. Леся Украинкын мэдээжэ шүлэг «Этигэл» (Надія, 1880) «Хабарай эхин» (Напровесні, 1889) буряад хэлэндэ оршуулагдаһан байна.

Сурами гэдэг Гүржиин тосхондо 1913 оной 8 һарын нэгэндэ Лариса Петривна Косач-Квитка наһанһаа нүгшэһэн байгаа.

Леся Украинка болбол «Капитал», «Коммунис намай тунхаг бэшэг» шудалан үзэһэн. Тэрэнэй тон дүтын хани нүхэр социал-демократ Сергей Мержинский гэгшэ «Хүдэлмэришэн ангиие сүлөөлхын түлөө тэмсэхэ Киевэй холбоониие» эмхидхэгшэдэй нэгэн байгаа һэн. Леся Украинка болбол украин хэлэн дээрэ хэблэгдэн гаража байһан социалис ном тараадаг байгаа.

Зүүлтэ

1. Find a Grave — 1996.

   <a href='https://wikidata.org/wiki/Track:Q63056'></a>
2. Энциклопедия Брокгауз

   <a href='https://wikidata.org/wiki/Track:Q237227'></a>
3. Store norske leksikon — 1978. — ISSN 2464-1480

   <a href='https://wikidata.org/wiki/Track:Q746368'></a>
4. Bibliothèque nationale de France идентификатор BNF: اوپن ڈیٹا پلیٹ فارم, платформа відкритих даних, платформа открытых данных, plateforme de données ouvertes, piattaforma di dati aperti, Opendata-Plattform, otevřená data platforma, åben-data-platform, տվյալների բաց շտեմարան, platforma za odprte podatke, plataforma de datos abierta, plataforma de dados aberta, платформа адкрытых даных, платформа на отворените данни, platforma otwartych danych, ашық деректер платформасы, ачык маалыматтарды платформа, açıq məlumat platforması, ochiq ma'lumotlar platforma, açık verilerin platformu, платформа отвореног података, platforma otvorenih podataka, platforma otvorenog podataka, platforma otvorených údajov, πλατφόρμα ανοικτών δεδομένων, platformu atklātā datu, platforma atvira duomenų, platvormi avatud andmete, avoimen datan foorumi, nyílt adatok platformja, პლატფორმა ღია მონაცემები, платформа за отворени податоци, нээлттэй мэдээллийн тавцан, platformă de date deschise, platformo de malferma datumoj, open data platform, плятформа адкрытых зьвестак, Усьтэм даннойёслэн платформазы, асыҡ мәғлүмәт платформаһы, açıq malümat platforması, açıq malümat platforması, ачык малюмат платформасы, öppen dataplattform, платформаи додаҳои боз, ачык кӧргӱзӱлердиҥ платформазы, гом бæрæггæнæнты платформæ — 2011.

   <a href='https://wikidata.org/wiki/Track:Q19938912'></a><a href='https://wikidata.org/wiki/Track:Q54837'></a><a href='https://wikidata.org/wiki/Track:Q193563'></a>
5. https://dlibra.kul.pl/dlibra/publication/66784/edition/62738/content — С. 1.