![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Localisation_Duch%25C3%25A9_de_Bretagne.svg/langbr-640px-Localisation_Duch%25C3%25A9_de_Bretagne.svg.png&w=640&q=50)
Breizh
bro istorel e kornôg Frañs / From Wikipedia, the free encyclopedia
Breizh (/bʁɛjs/ (selaou ) pe /bʁɛx/ pe c'hoazh Bretagn[2], e gallaoueg: Bertaèyn /bəʁtaɛɲ/, galleg: Bretagne /bʁəˈtaɲ/) zo ur vro geltiek, ul ledenez hag un takad sevenadurel e kornôg Europa, savet war lodenn gornôg ar pezh a oa Arvorig gwezhall. Ur vroad eo ivez abaoe an IXvet kantved, pa oa unanet gant Nevenoe, he roue kentañ. Bretoned a vez graet eus he fobl.
Ar pennad-se zo diwar-benn ar vro istorel e gwalarn Europa. Evit ar rannvro melestradurel gall, sellet Rannvro Breizh.
Breizh | |
---|---|
![]() | |
Ger-stur (la) Potius mori quam fœdari (br) Kentoc’h mervel eget bezañ saotret | |
Kan broadel Bro gozh ma zadoù | |
Kêr-benn | Naoned (istorel) Roazhon (melestradurel) |
Yezhoù | Brezhoneg Gallaoueg Galleg (ofisiel) |
Domani kenrouedad | .bzh |
Melestradur | |
Prezidant | Loïg Chesnais-Girard[1] |
Departamantoù | Aodoù-an-Arvor (22) Il-ha-Gwilen (35) Liger-Atlantel (44, istorel) Mor-Bihan (56) Penn-ar-Bed (29) |
Arondisamantoù | 15 |
Kantonioù | 201 |
Kumunioù | 1 268 |
Douaroniezh | |
Gorread | 34 023 km² (istorel) 27 208 km² (melestradurel) |
Poblañs (2016) | 4 829 968 (istorel) 3 394 567 (melestradurel) |
Stankted | 142 ann./km² (istorel) 125 ann./km² (melestradurel) |
![Thumb image](http://upload.wikimedia.org/wikipedia/br/thumb/2/23/Breizh_hag_ar_broio%C3%B9_amezek_dezhi.png/220px-Breizh_hag_ar_broio%C3%B9_amezek_dezhi.png)
![Thumb image](http://upload.wikimedia.org/wikipedia/commons/thumb/8/8a/Carte_des_Traites_1732.png/640px-Carte_des_Traites_1732.png)
« Breizh, proviñs brudet da vout estren »
![Thumb image](http://upload.wikimedia.org/wikipedia/commons/thumb/d/d8/Jean_Brunet_La_Bretagne_1908.jpg/640px-Jean_Brunet_La_Bretagne_1908.jpg)
Dizalc'h eo bet Stad Breizh betek ar XVIvet kantved a-raok bezañ enframmet e rouantelezh Bro-C'hall da-heul koll arme Breizh a-enep an arme c'hall en emgann Sant-Albin-an-Hiliber e 1488. Emren eo chomet Breizh betek dibenn an XVIIIvet kantved a-raok bezañ dispennet ha divodet gant an Dispac'h gall a grouas an departamantoù.
Abaoe krouidigezh ar rannvroioù e Frañs en eil hanterenn an XXvet kantved ez eus bet savet en-dro ur gwirvoud melestradurel da Vreizh, evit an daou drederenn eus he foblañs.
Ul ledenez vras eo Breizh, lec'hiet e kornôg Europa, etre Bro-C'hall hag an inizi breizhveuriat. War un tiriad strategel emañ, etre Mor Breizh hag ar Meurvor Atlantel, adal da gevandir Amerika. Un hin veurvorel he deus, neuze e vez dous ha gleb he goañvioù ha fresk he hañvioù daoust da vezañ tommoc'h gant tommadur an hin en XXIvet kantved.