Tiobraid Árann

Tiobraid Árann (Tipperary e saozneg)^[1] zo ur gêr eus Iwerzhon, e kreisteiz an enezenn. Roet he deus hec'h anv d'ur gontelezh, Kontelezh Tiobraid Árann. E 2006 e oa poblet gant tost da 5 000 a dud.

Ar Straed Vras, e Tiobraid Árann

Emañ Tiobraid Árann war ribl ar stêr Ára. Ar Vikinged a oa en em staliet war un enezennig er stêr-se. En XII^vet kantved e oa bet savet ur c'hastell eno gant ar roue saoz Yann Iañ^[2], met ne chom roud ebet eus ar c'hastell-se bremañ.

Ur c'hreñvlec'h saoz e oa Tiobrad Árann en XIX^vet kantved hag e deroù an XX^vet[3]. Betek 10 000 soudard a oa eno e-pad ar Brezel-bed Kentañ, o vezañ gourdonet a-raok mont d'an talbenn e Bro-C'hall.

Kêrioù gevellet

• Parthenay (Bro-C'hall) abaoe 1994

Gwelet ivez

• It's a Long Way to Tipperary, ur ganaouenn eus mare ar Brezel-bed Kentañ.

Notennoù

1. logainm.ie Bunachar Logainmneacha na hÉireann
2. https://web.archive.org/web/20131208183135/http://www.tipp.ie/townsandvillages/tipperary/tipperary.htm
3. http://homepage.eircom.net/~tipperaryfame/barracks.htm