SVT-40

An SVT-40 (Samozaryadnaya Vintovka Tokareva, Obrazets 1940 goda, "Fuzuilh Tokarev adkarget hec'h-unan, doare 1940", rusianeg: Самозарядная винтовка Токарева, образец 1940 года), lesanvet Sveta, a zo ur fuzuilh damaotomatek soviedel ijinet e deroù ar bloavezhioù 1930 ha produet etre 1938 ha 1945 e uzin armoù Toula peurgetket.

SVT-40
Un SVT-40 en Armémuseum (Stockholm)
Kinnig
Bro	URSS
Doare	Fuzuilh damaotomatek
Mont en-dro	Tennata dre amprest-gazoù, piston
Munisionoù	7,62 × 54 mm R
Produer	Uzin armoù Toula
Mare produiñ	1938 - 1945
Pouez ha muzulioù
Mas (hep kartouchenn)	3,89 kg
Hirder	1.222 mm
Hirder ar c'hanol	625 mm
Perzhioù all
Hed-tenn pleustrek	500 m (betek 1.000 m gant ul lunedenn)
Tizh mont e-maez ar boledoù	830 m/s
Endalc'h	Karger-fiñv 10 kartouchenn
Lezenn
Rummad e Bro-C'hall	B

Istor

An SVT-40 a oa a-zoare war an dachenn emgann. Pa c'halle e adimplije soudarded an Ahel anezhi war Talbenn ar Reter.

Er bloavezhioù 1930 e oa penn an URSS Jozef Stalin dedennet-bras gant an armoù damemgefreek, hag an Arme Ruz he devoa roet lañs da genstrivadegoù evit fuzuilhoù a seurt-se e 1935. Fyodor Tokarev en devoa krouet d'ar mare-se tresoù diazez ar fuzuilh SVT. Ar fuzuilh a voe trec'h a oa hini Sergei Gavrilovich Simonov, ha degemeret e voe er servij dindan an anv AVS-36. Dilezet e voe e 1941 abalamour da gudennoù mont en-dro war an dachenn^[1].

Kemeret e voe e blas gant an SVT-40, a oa ur stumm gwellaet eus an SVT-38 kinniget gant Tokarev un nebeud bloavezhioù a-raok. Implijet e voe e-pad an Eil Brezel-bed gant is-ofiserien ha tennerien-resisted an Arme Ruz dreist-holl^[1]. Goude ar brezel e voe implijet armoù nevez gant an nerzhioù soviedel e-lec'h an SVT-40, evel an SKS pe an AK-47. E-tro 1.600.000 fuzuilh SVT-40 a zo bet produet en holl.