Margherita di Savoia (rouanez Italia)

Marc'harid Savia, pe Margherita di Savoia en italianeg, pe Margherita Teresa Giovanna, priñsez a Savoia, ganet e Torino d'an 20 a viz Du 1851 ha marvet e Bordighera d'ar 4 a viz Genver 1926, a oa rouanez Italia.

Margherita di Savoia Luc'hskeudenn gant Henri Le Lieure

Signature Margherita Maria Teresa Giovanna di Savoia (1851–1926)

He buhez

He foltred gant Luigi Montabone

Margherita gant he mab Vittorio Emanuele, 1877.

Merc'h e oa da Ferdinando Savoia (1822-1855), ha d'e bried Elisabeth von Sachsen.

Dimeziñ a reas d'he c'henderv Umberto Iañ Savoia (1844-1900), e 1868, hag a voe anvet da roue dek vloaz goude, e 1878. Ur mab o doe, Vittorio Emanuele, priñs Naplez (1869-1947), a voe anvet da roue evel Vittorio Emanuele III.

D'an 29 a viz Gouhere 1900 e voe lazhet he fried gant an anarkour Gaetano Bresci .

Skoazell a roas d'an arzourien ha skrivagnerien, d'ar Groaz Ruz, ha krouiñ aozadurioù evel ar Società del Quartetto, ha Casa di Dante, hag ivez ar faskouriezh italian.

Troet e oa gant krapat ar menezioù, ha hi e voe kentañ maouez o krapat gant ar menez Rose, eil kern uhelañ an Alpoù.

En enor dezhi e skrivas Giosuè Carducci un Ode alla regina d'Italia.

Beziet eo e-kichen he fried e Panteon Roma.

Traoùigoù

• E 1879 e voe anvet ur panforte, ar Panforte Margherita, e Siena en anv ar rouanez.
• En enor dezhi e voe krouet ar Pizza Margherita e 1889, e livioù banniel Italia.
• Ur gumun zo bet divadezet da gemer hec'h anv.
• Roet eo bet hec'h anv d'ur gern eus ar Menez Stanley, en Ouganda.

Levrlennadur

• Carlo Casalegno, La Regina Margherita, Einaudi editore, Torino, 1956.
• Manlio Lupinacci, La Regina Margherita, Le lettere editore, Firenze, 2008.