From Wikipedia, the free encyclopedia
Kouronkerezed zo bet livet alies gant an arzourien. Un digarez da livañ maouezed noazh, estreget war o gwele, ne oa ken.
Taolennoù zo a zo bet anvet "Kouronkerez" pe "Kouronkerezed", hep mui, hervez an niver, adalek dibenn an XIXvet kantved dreist-holl. Meur a abeg zo : plijadur daoulagad ar baotred dirak korfoù maouezed, ha plijadur al livour o tiskouez e varregezh da livañ kened ar c'horfoù-se.
Er c'hantvedoù kent e veze poltredet doueezed Hellaz pe Roma, Artemis-Diana da skouer, ha Nimfezed ha Nereidezed, o kouronkañ. Talvezout a rae ar mojennoù kozh rakkristen da zigarez da ziwiskañ ar c'horfoù.
Met adalek an XIXvet kantved ne voe ket ezhomm ken eus digarez an Henamzer evit livañ korfoù maouezed en o noazh : re all, diouzh ezhomm, a voe kavet.
Gant an doug d'ar reter e veze diskouezet, d'ur poent, merc'hed o kouronkañ en harem, gant Dominique Ingres hag e ziskibien da skouer.
N'eo ket kouronkerezed avat en deus livet Paul Gauguin e Pont-Aven, met kouronkerien. Moarvat n'halle lavarout livañ merc'hed ar vro en noazh dirazañ. E Tahiti e voe aesoc'h dezhañ.
A-hend-all e ranker diwall da faziañ gant an taolennoù anvet "Baigneuses" e galleg : darn zo kouronkerezed, darn all kibellerezed.
Kouronkerezed brudet zo bet e filmoù ivez. Ar re vrudetañ anezho eo Ursula Andress ha Julie Adams.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.