Konsul

Konsul (diwar ar ger latin consul) zo un anv dezhañ meur a ster a-hed an Istor. Anaout a reer

• konsuled Roma gozh,
• Konsuled Bro-C'hall e diwezh ar C'hentañ Republik c'hall, ha Napoleone Buonaparte ar c'hentañ anezho),
• hag ar gonsuled, diplomated.

Brutus, konsul. Delwen eus ar IVvet pe IIIde kantved kent JK. Mirdi ar C'hapitol, Roma.

Konsuled Roma

E Roma e veze dilennet daou gonsul bep bloaz, adalek dibenn Roueelezh Roma, a-hed amzer Republik Roma ha, daoust ma oa kollet o galloud gante neuze, dre vras betek dibenn an Impalaeriezh roman.

Ar c'honsulvezh eo an amzer ma pad karg ur c'honsul e Roma gozh. Hervez ar skridoù kozh n'eo ket un ensavadur a orin latin, peogwir e oa c'hoarvezet kemend-all e Gres a-raok. Pa oa nevez kouezhet ar roueelezh e oa troet an dud da zilenn un den hepken, galloud bras dezhañ, evit ur prantad berr hepken.

Dindan an Impalaeriezh e oa konsuled ivez, nemet galloud ebet n'o doa dre ma oa an impalaer a-us dezho. Ne oa mui nemet ur garg enorus a-bouez e-touez ar Senedourion.

Alies e veze skrivet COS, evit konsul. Evit un den a oa bet konsul eizh gwech e veze skrivet COSVIII.

Hervez Edward Gibbon e voe roet d'ar roue frank Clovis arouezioù ar gonsulegezh.

Pennad kar

• Caveant consules