1790: Kimerc'h a zeuas da vezañ ur gumun, hep trev Logonna-Kimerc'h hag a zeuas da vezañ ur gumun distag diouti. E kumun Kimerc'h avat e oa ul lodenn vras eus Pont-ar-Veuzenn.
E 1909 e oa bet savet parrez Pont-ar-Veuzenn, gant an eskob, diwar-goust parrezioù Sant-Segal ha Kimerc'h. E 1949 e oa deuet da vezañ ur gumun distag diouzh kumun Kimerc'h.
E 1965 e oa bet bodet parrezioù Logonna-Kimerc'h, Kimerc'h ha Pont-ar-Veuzenn. Er memes bloavezh e oa bet bodet ar c'humunioù ivez, da vont d'ober ur gumun vras hepken: Pont-ar-Veuzenn-Kimerc'h.
Er bloavezhioù 1950 ha 1960 e oa brudet "Radio-Kimerc'h", a adskingase abadennoù deuet eus Pariz pe eus Roazhon. Abadennoù brezhonek a voe skignet gant Radio-Kimerc'h ivez, adalek an 21 a viz Kerzu1946. Skignet e vezent ur wech ar sizhun (d'ar Sadorn da noz) ha kaset e vezent en-dro gant Per-Jakez Helias. Betek savidigezh peul Roc'h Tredudon, e 1969, e oa Radio-Kimerc'h ar skingaser nemetañ o skignañ abadennoù radio e brezhoneg e Breizh-Izel.