Kerien

Brezhoneg

D’ar 7 a viz Meurzh 2007 e oa bet votet ar garta Ya d'ar brezhoneg gant kuzul-kêr ar gumun.

D'ar 17 a viz Here 2013 e oa bet kadarnaet gant Ofis Publik ar Brezhoneg e oa bet kaset da benn vat 15 ober gant kumun Kerien ha dre-se tizhet live 2 ar garta ganti hag e oa bet roet d'ar gumun al label Ya d'ar brezhoneg live 2.
D'an 3 a viz C'Hwevrer 2017 e oa bet lidet ar label 2.

E distro-skol 2024 e oa 37 skoliad enskrivet er c'hlasoù divyezhek (32,3 % eus skolidi ar gumun evit a sell ouzh ar c'hentañ derez)^[2].

Istor

Dekred eus ar 26 a viz Du 1790 war al le ret: e penn-kentañ 1791 e voe nac'het al le ouzh ar Roue, ar vro hag al lezennoù gant Ansquer, kure, Tanguy, Gouil ha Quéméner, beleion evit sikour kofez^[4].

Ar vosenn pe ur c'hleñved-red all a lazhas 330 a dud adalek miz Genver 1870 betek miz C'hwevrer 1871^[5].

Mervel a reas 158 gwaz eus ar gumun, da lâret eo 4,58% eus ar boblañs e 1911, a gollas o buhez abalamour d'ar brezel^[6].

Mervel a reas 27 den ag ar gumun abalamour d'ar brezel^[7].
D'an 10 a viz Mae 1944 e voe rastellet tud e kêriadenn Feunteun-Gaer gant an Alamaned; daou anezhe, Édouard Guilchet ha Lucie Cornic, a varvas er c'hampoù-bac'h^[8].
D'an 11 a viz Gouere 1944, c'hwec'h paotr ag ar Rezistañs, ur milour chomet dianv en o mesk, a zo fuzuilhet nepell diouzh kêriadenn Kerstank-Komboud goude bout bet barnet da varv gant lez-varn al lu alaman er Skol Santez-Barban er Faoued^[9].
D’an 29 a viz Gouere 1944 e kouezh ar Feldarcheriezh alaman war ur strollad Rezistanted ha milourion eus ur skipailh SAS-Jedburgh e kêriadenn Kerbozeg^[10]. Ur major eus Lu ar Rouantelezh-Unanet eus ar Special Air Service , Colin Ogden-Smith, hag ar serjant gall, Maurice Miodon eus ar Special Air Service ha mestr an atant a zo lazhet d’an Alamaned^[11]. Ur c’houblad kenlabourerion a zo lakaet d'ar marv un nebeud deizioù war-lerc’h evit bout flatret paotred ar strouezheg da Feldarcherion Kemperle^[12];

D'an 23 a viz Mae 1945 e voe kavet korfoù marv tri den eus ar gumun e-tal gwikadell Porzh-Loeiz. Er Rezistañs e oant; fuzuilhet e oant bet gant al lu alaman^[13].