Janed Aostria, pe Juana de Austria (pe Habsburgo) e spagnoleg, (Madrid, 24 a viz Mezheven 1535 - Manati El Escorial, 7 a viz Gwengolo 1573) a oa ur briñsez spagnol, merc'h da Karl V ha d'e bried Izabel Portugal, infantez Spagn hag arc'hdugez Aostria.
Reizh pe jener | plac'h |
---|---|
Bro ar geodedouriezh | Spagn, Rouantelezh Portugal |
Anv e yezh-vamm an den | Juana de Austria |
Anv ganedigezh | Joana d'Habsburg i de Portugal |
Anv-bihan | Juana |
Titl noblañs | Archduchess, Infante of Spain, Prince of Portugal, priñsez |
Deiziad ganedigezh | 24 Mez 1535 |
Lec'h ganedigezh | Madrid |
Deiziad ar marv | 7 Gwe 1573 |
Lec'h ar marv | Royal Monastery of San Lorenzo de El Escorial |
Lec'h douaridigezh | Funerary chapel of Joanna of Austria, Princess of Portugal |
Tad | Karl V an Impalaeriezh Santel |
Mamm | Izabel Portugal |
Pried | João Portugal |
Bugel | Sebastião Iañ |
Familh | Tiegezh Habsburg |
Yezhoù komzet pe skrivet | spagnoleg |
Micher | politiker |
Karg | Rejañs |
Relijion | Katoligiezh |
Urzh relijiel | Kompagnunezh Jezuz |
Deskrivet dre | Q27981157 |
He buhez
E 1552 e timezas d'he c'henderv João Manuel, priñs Portugal. Daou vloaz a boan goude e varvas he fried diganti, ha hi dougerez. Triwec'h deiz goude marv João Manuel, d'an 2 a viz Genver 1554, e c'hanas o mab Sebastião, a voe Roue Portugal .
Intañvez e oa da 19 vloaz. Goulenn a reas bout rejantez evit he mab. Bec'h a savas etrezi hag he mamm-gaer, Catalina de Austria, a oa moereb dezhi ivez, ha na felle ket dezhi leuskel he merc'h-kaer Juana da ren e Portugal. Goulennet e voe ali Karl V, a oa roue Spagn hag Impalaer santel war un dro, breur d'an eil ha tad d'eben. Hag eñ mont a du gant e c'hoar.
En em dennañ a reas Juana neuze da gêrig Tordesillas, en Kastilha. Gouarn Spagn a reas koulskoude pa edo he breur, ar roue Fulup II, o veajiñ etre Bro-Saoz ha Flandrez, etre 1554 ha 1559.
Jezuitez
Araok intañveziñ e oa e darempred gant Francisco de Borja, ur jezuist hag en devoa aozet devezhioù retred ha prederiañ evit maouezed al lez. Goude marv he fried e tommas muioc'h c'hoazh ouzh ar vuhez speredel, ha Borgia e oa hec'h ambrouger speredel.
Goulenn a reas bezañ degemeret e Kompagnunezh Jezuz. Nec'het e oa Ignacio de Loyola: nac'h he goulenn ouzh merc'h an impalaer kozh ha c'hoar ar roue yaouank, pe degemer ur vaouez? Hag eñ, e miz Here 1554, da sevel ur bodad-studi, ennañ pemp beleg karget da studiañ afer.
A-du gant ar c'houlennerez ez eas ar bodad. Ignacio de Loyola a gasas ar c'heloù dezhi[1], ha Juana a lavaras he gouestloù relijiel a leanez.
Ne vevas ket en ur gumuniezh jezuit gwech ebet, met bevañ treut a reas, ma klemme tud al lez alies e oa deuet ar palez da vout evel ur gouent.
Juana de Austria eo ar vaouez nemeti he deus bevet hag a zo marvet (d'ar 7 a viz Gwengolo 1573) evel jezuitez.
- Sant Ignacio de Loyola, diazezour urzh ar jezuited, mignon da Juana de Austria.
(Livour dizanv, XVIvet kantved)
Notennoù
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.