Genève (e galleg, yezh ofisiel er vro ; Geneva en arpitaneg) zo ur gêr e Kanton Geneva e Suis, war glannoù ar stêr Ron el lec'h ma kuita lenn Geneva (Léman e galleg, Lèman e frankoprovañseg).
Arabat eo droukveskañ gant Genova.| Geneva | ||
|---|---|---|
 Gwel eus kêr. | ||
 | ||
| Anv alamanek | Genf | |
| Anv gallek | Genève | |
| Anv italianek | Ginevra | |
| Anv romañchek | Genevra | |
| Melestradurezh | ||
| Bro |  Suis | |
| Kanton | kanton Geneva | |
| Yezh ofisiel | galleg | |
| Niv. OFS | 6621 | |
| Kod post | 1201, 1202, 1203, 1204, 1205, 1206, 1207, 1208, 1209, 1211, 1200 | |
| Maer | Alfonso Gomez Cruz | |
| (Amzer gefridi) | 2020-2021 | |
| Lec'hienn web | https://www.geneve.ch | |
| Poblañsouriezh | ||
| Poblañs | 203 840 ann. () | |
| Stankter | 12 796 ann./km² | |
| Douaroniezh | ||
| Daveennoù lec'hiañ |
||
| Uhelder | 373,6 metr | |
| Gorread | 15,93 km² | |
| Kumunioù stok | Carouge, Chêne-Bougeries, Cologny, Lancy, Pregny-Chambésy, Vernier, Le Grand-Saconnex, Veyrier | |
kemmañ  | ||
Stummoù an anv
Genava eo ar stumm latin a gaver e De Bello Gallico gant Caius Julius Caesar e 58 a-raok JK[1], ha Genáva e latin ar bobl, alese ar stumm gallek Genève. E yezhoù ofisiel ar vro e skriver Genève e galleg neuze, Genf en alamaneg, Ginevra en italianeg ha Genevra e romañcheg.
Génva eo ar stumm arpitanek, Genves e oa e galleg kozh kent ar stumm Gennes.
E brezhoneg e kaver Jeneva, Genava (hervez ar stummm latin) e geriadur Vallée ; n'eus meneg ebet e Geriadur Hemon-Huon (na 1993, na 2005).
Orin an anv
Diasur eo orin Geneva.
Kinniget ez eus bet un orin keltiek en abeg d'ar galianeg genava, a zo kar d'ar c'hembraeg gen, genau ha d'ar brezhoneg genoù[2] : e "genoù" al lenn emañ kêr.
Un displegadur all zo deuet dre ar genyezhoniezh, pa dalvez ar wrizienn indezeuropek *gen- kement ha "javed", "jod", "chin" – un astenn d'ar ster-se eo "genoù" pa gomzer eus an dremm ha n'eo ket eus an digor ma lakaer boued ; kement ha "plegadenn", "kogn" e oa ster *gen- ivez (gwelit al latin genū, glin), alese Geneva oc'h ober dave d'ar c'hogn a zo e penn al lenn.
Keltiek avat e chom an dibenn -ava.[2].
Ur gêr a bouez
Eil kêr Suis eo Geneva ha kêr-benn ar c'hanton. 185 028 a dud a oa enni e 2005, met an dachenn kêriet en dro dezhi en em astenn war kanton Vaud ha departamantoù gall an Ain hag an Haute-Savoie, a vev 760 000 a dud enni.
Istor
E bro an Allobroged e oa pa oa aloubet gant ar Romaned.
Degemer
Douar repuidi eo Geneva abaoe pell, dreist-holl abaoe ma voe degemeret enni ar brotestanted heskinet, evel Guillaume Farel, Jean Calvin ha Théodore de Bèze, ma veze graet ar Roma brotestant anezhi, hag ivez kêr Calvin.
E-touez an holl bolitikerien repuet enni emañ Lenin a-raok dispac'h 1917.
Kalz aozadurioù etrebroadel zo diazezet e Geneva, en o zouez :
Kêrioù gevellet
Arc'hantina : Buenos Aires (1991)
Bro-C'hall : Pariz (2002)
Liorzhoù ha parkoù
310 hektar zo dindan koad pe geot, da lavarout eo 20% eus douar kêr.
Mell-droad
Brudet eo ar c'hleub Servette FC savet e 1890. E 2005 e reas freuz-stal.
Beredoù
Etre 1700 ha 1853, ne oa nemet ur vered e kêr, hini Plainpalais. E penn-kentañ ar bloavezhioù 1850 e voe krouet hini Châtelaine, ha hini Saint-Georges er bloavezhioù 1880. Hini kumun Petit-Saconnex zo e kêr abaoe 1931 pa voe kendeuzet an div gumun.
E-touez an dud veur beziet e Geneva emañ Jean Calvin ha Jorge Luis Borges.
Tud veur bet ganet e Geneva
- Henri Dunant, medisin
- Isabelle Eberhardt, skrivagnerez
- Jacques Necker, politikour gall
- Jean-Jacques Rousseau, prederour
- Ferdinand de Saussure, yezhoniour
- Michel Simon, aktour
- Alain Tanner, filmaozour
- Paul-Émile Victor, ergerzhour, gwerinoniour, skrivagner gall
Gwelout ivez
- Michel Servet
Liammoù diavaez
Notennoù
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
