From Wikipedia, the free encyclopedia
Savet eo ar pennad-mañ diwar labour bet graet gant skolidi. Sikourit da wellaat an danvez, mar plij ganeoc'h.
Tachenn obererezhioù | Michererezh, design, retail ![]() |
---|---|
Deiziad krouiñ | 28 Gou 1943 ![]() |
Anv er yezh a orin | IKEA ![]() |
Anvet diwar | Ingvar Kamprad, Elmtaryd, Agunnaryd socken ![]() |
Diazezer | Ingvar Kamprad ![]() |
Lec'h diazez | Älmhult ![]() |
Lec'hienn ofisiel | https://www.ikea.com ![]() |
Implijet gant | Stichting INGKA Foundation, Inter IKEA Foundation ![]() |
Oberennoù zo en dastumad | Nationalmuseum, Design Museum Gent, TextileMuseum, Mirdi Boijmans Van Beuningen, Centraal Museum ![]() |
Typically sells | arrebeuri ![]() |
Sitemap URL | https://www.ikea.com/sitemaps/sitemap.xml ![]() |
IKEA a zo ur c'hoñsever ha detailher war an arrebeuri ha traoùachoù evit kinklañ an tiez. Gwerzhet e vezont dre bakadoù, ha d'ar prener eo d'o sevel goude (ostilhoù a vez kaset peurliesañ gant ar pakad). An holl broduioù a vez ijinet atav er memes lec'h, en Almhult (Sveden) e-lec'h ma oa stal gentañ Ikea. Er bloavezhioù 1980, eo bet lec'hiet Ikea dindan un diazez gwir nederlandat, evit lakaat war-raok diorroadur ar strollad Ikea.
Ar peder lizherenn IKEA a zo savet diwar lizherenn gentañ pevar ger. I evit Ingvar (anv-bihan ar c'hrouer), K evit Kamprad (anv-familh ar c'hrouer), E evit Elmtaryd (anv an ti-feurm e-lec'h m'en deus Ingvar Kamprad bevet e vugaleaj) hag A evit Agunnaryd (anv e gêriadenn). E penn-kentañ e vuhez, e oa Invgar Kamprad ur gwerzher paperezh ha produioù all dre getpar. Paotr-laezh ar gêriadenn a oa karget da reiñ ar pakadoù d'ar brenerien. An arrebeuri kentañ a zo bet diskouezet e 1947 hag e 1955 e stagas Ingvar Kamprad gant an aferioù. Ar stal IKEA kentañ a zo bet staliet en ur gêriadenn en Almhult, e-kichen Agunnaryd e Sveden. Aze c'hoazh, e vez kaset an aferioù da benn hiziv an deiz. Ar stal gentañ e diavaez Sveden a oa bet krouet, a oa en Asker e Norvegia. Levr-roll IKEA kentañ a voe bet embannet e 1950, hag e 1953, eo bet digoret en Almhult an diskouezadeg kentañ ma veze lakaet war-wel an arrebeuri pennañ. N'eo nemet e 1973, ma voe digoret ur stal IKEA e-maez eus ar broioù Skandinavia, e Suis e oa.
Meur a stil a zo e IKEA, met an holl a zo sachet diwar ar mod design suediz. Kavet e vez koad melen, linennoù glan... Ar produioù e kit a zo holl gwerzhet e-barzh pakadoù plad e kartoñs evit ma vefe marc'hadmatoc'h hag aes da zougen. Bez ez eus ivez, e-barzh ar stalioù IKEA, ur preti doare self. Servijet 'vez pladoù suediz, evel eog gant annuz pe pesked lieseurt. E-tal ar c'hefioù, ez eus ur stal e-lec'h ma vez gwerzhet produioù Suediz evel madigoù (Daim dreist-holl), gwastili pe broduioù fresk.
Ar produioù IKEA a zo anavezet gant anvioù dre temoù liesseurt. Lodenn vrasañ an anvioù a zo suediz, danniz pe finn.
Invgar Kamprad, krouer IKEA, hag a zo trouklenn, en deus kavet e oa aesoc'h da zerc'hel soñj eus anvioù ar produioù, gant an doare-mañ, da reiñ anvioù anavezet dija.
Krouet e 1943 gant Invgar Kamprad, IKEA en deus klasket kaout e design pe e stil-ober adalek ar bloavezhioù 1950. Evit e genlabourerezhioù kentañ, ar strollad en deus galvet arzourien danniz anavezet dija, evel Gillis Lundgren ha Bengt Ruda. A-drugarez dezho, IKEA a zo bet anavezet evel produioù brav, talvoudus ha marc'hadmat. Klasket o deus dispign an nebeutañ arc'hant, war an danvez, ar bakadurezh pe c'hoazh war an transportoù. An dresourien a zo alies en usinoù evit echuiñ ha peurlipat ar produioù. Bez ez eus un dosenad a dresour er strollad IKEA. Dont a reont eus ar bed a-bezh, ha kavet 'vez un tri-ugentad a arzourien, evit tresañ ar produioù. Bez ez eus ivez un toullad a stajourien ha studiourien, evit kas mennozhioù nevez.
An hierarkiezh a zo bihan e IKEA. Bez ez eus 7 live etre ar rener hag an implijidi. Savet eo 'mod-se : rener ar stal, an hini kiriek eus an implijidi, an "management team" (kiriek int ouzh ar velestradurezh, ar boellerezh, ar gwerzhañ, ar servijoù, an darempredoù, ar staliadur hag ar preti). Ar "shopkeepers" a zo an implijidi hag a zo arbenniget war tachennoù resis. Sikouret int gant kenlabourerien.
Ar stal a zo aozet e tri zamm :
Staliet eo en diskouezhadeg leun a bezhioù evel salioù-debriñ, salioù-dour, kambreier, saloñsoù, burevioù... Er servij-dieub marc'had, e vez gwelet armoù kegin, gwiadoù, kinkladurioù, ar plantoù...
Bep bloavezh, IKEA a embann ur pennad diwar-benn e giriegezh sokial hag en endro. Tu 'zo gwelout anezhañ war lec'hienn internet IKEA, bez ez eus ur rummad war gargoù Bro C'Hall. Goulennaet eo kalz ar strollad, diwar-benn lec'h ma 'vez prenet an danvezioù, China da skouer. Goulennaet eo ivez diwar stad-labour an implijidi. E miz C'Hwevrer 2010, eo bet graet harz-labour gant un lodenn eus an dud o labourat e IKEA. Taget eo bet 23 stal war an 26 a zo e Bro C'Hall gant an harz-labour. An implijidi a oa o rebechiñ an nebeud a arc'hant a oa gounezet ganto.
Lavarout a ra ar strollad klask maestroniañ e skignerezh karbon, evit yec'hed an aer. Lakaet eo bet e plas gant IKEA, ul lec'h kengweturiañ evit reduiñ implij an otoioù gant ar weladourien. Klask a ra ivez ar strollad kas ha resevout ar produioù dre hentoù-houarn eget dre gamion. War evezh int war orin ar c'hoad implijet ganto.
IKEA a zo staliet en Europa, e Amerika an Norzh, e Reter-Kreiz hag en Azia. En holl ez eus 253 stal war 24 bro. Ar stal IKEA brasañ eus ar bed a zo e Matosinhos e Portugal. Digoret e oa e 2008.
E Bro-C'hall eo bet staliet 23 stal ha dougen a ra 10% eus ar parkad bedel. Lavaret eo bet e oa IKEA ar strollad kentañ o gwerzhiñ arrebeuri e Frañs ganto 15,7% eus ar marc'had. Ar c'henstriverion gentañ a zo But, Conforama, Fly, Alinéa. Etre Gwengolo 2007 ha Eost 2008 eo bet graet 2 miliard euro e sifr aferioù gant IKEA Frañs. Bez ez eus bet 48 milion a dud er stalioù IKEA e 2008 e Frañs.
Ar stal kentañ e Bro C'Hall a zo bet savet e Norzh Paris (e Bobigny) e 1987. Goude eo en em staliet ar chadenn un tamm pep lec'h er vro, evel e Bourdel, Lyon, Lille ha Tolosa. Ober a reont holl etre 5 000 m² (an hini bihanañ e Velizy) hag 26 000 m² (an hini brasañ e Villefrance-sur-Saöne).
E Breizh ez eus bet staliet teir stal. E Naoned emañ an hini goshañ, en Atlantis. An div all, e Brest hag e Pazieg (e-kichen Roazhon), a voe krouet un nebeud bloavezhioù zo.
Graet eo bet 21,1 miliard euro sifr aferioù ha 565 milion a weladennerien e 2008. 127 800 kenlabourer a zo, dalc'het war Europa, Azia hag Amerika. Bez ez eus 9 500 referañs produ ha 200 milion a levr-roll embannet ha roet war lerc'h (370 pajenn pep hini).