Eris (Ἔρις e gregach), a oa merc'h da Nyks (an Noz), e mojennoù Hellaz kozh, ha n'he doa tad ebet.
Ur pennad Eris zo ivez..jpg)
Hervez un doare all e oa merc'h da Hera, ha krouet e voe ganti pa stokas he mamm ouzh ur vleunienn. C’hoar e oa da Ares, ha gevellez dezhañ.
Klotañ a ra gant an doueez roman Discordia, an Dizemglev. Ar skeudenn gontrol dezhi eo Harmonia, a zo Concordia e latin.
En Ilias ez ae gant he breur Ares, doue ar brezel, en aervaoù, ha c’hwezhañ a rae kasoni etre ar vrezelourion. Tennañ a ra neuze da Enyo.
Naered eo he blev, labezet a wad eo he dilhad, hag un naer a vez ganti en he dorn.
Dre ma oa droug enni abalamour ma ne oa ket bet pedet da eured Thetis ha Peleüs e taolas da bParis un aval-aour skrivet warnañ Ἡ καλὴ λαϐέτω, hê kalề labétô (da reiñ d’an doueez vravañ): an aval a zizemglev-se eo a voe kaoz da vrezel Troia (gwelout barnadenn Paris).
Gant Ares e kemeras perzh e brezel al Lapited a-enep an dud-varc'h.
Kemer a reas stumm Rea hag en ur c'harr sachet gant leoned e vroudas Dionysos d'en em gannañ gant Lykourgos.
Engehentañ a reas ur ribitailh bugale gwalloberius : an Naon, Lete (an Ankoun), an Algea (ar Boan), ha nouspet hini all.
- Eristik a vez graet ivez eus arz an daelañ.
- Eris zo ivez anv ur blanedenn gorr, anvet diwar he lerc'h.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
