From Wikipedia, the free encyclopedia
Degannwy pe Deganwy[1] zo ur gêr vihan eus hanternoz Kembre, e Sir Conwy. Emañ er c'hreisteiz da Llandudno hag er reter da gêr Conwy, a zo en tu all d'ar Stêr Conwy. E kumuniezh Conwy emañ, hag e parrez Llanrhos.
| Anv ofisiel | Deganwy, Deganwy  |
|---|---|
| Stad | Rouantelezh-Unanet |
| E tiriad | Sir Conwy |
| Kontelezh istorel | Sir Gaernarfon |
| Daveennoù douaroniel | 53°18′0″N 3°50′0″W |
| Daveennoù an Ordnance Survey | SH779791 |
E meur a zoare eo bet displeget orin an anv "Deganwy". Evit lod e teufe eus anv an Deceangli, unan eus pobloù keltiek Kembre en Henamzer. Evit tud all e vefe savet diwar an elfenn "din", a dalvez kement ha "kreñvlec'h", ha "Conwy", anv ar stêr.
Brudet eo Kastell Degannwy hag a oa kreñvlec'h Maelgwn Gwynedd, roue Gwynedd er VIvet kantved, pintet war un dorgenn a-us kêr. Lec'h-annez pennañ rouaned Gwynedd a oa e Degannwy en amzer-hont, met goude se ez eas al lez da Aberffraw, war Enez Mon. Meur a greñvlec'h a voe savet war an dorgenn a-hed an istor, a-raok ma voe savet ur c'hastell norman e 1082. Goude se e voe savet unan all eno gant Llywelyn Fawr. Distrujet e voe ar c'hastell diwezhañ hag implijet e voe ar mein anezhañ evit sevel Kastell Conwy. E kantrev Rhos e oa Degannwy gwechall.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
