Colt Python

Ar Colt Python zo ur revolver kambret e .357 Magnum produet gant an embregerezh stadunanat Colt etre 1955 ha 2005 hag abaoe 2020.

Colt Python
Daou revolver Colt Python, dezhe kanolioù 6 meutad (15 cm, a-us) ha 4 meutad (10 cm, dindan)
Kinnig
Bro	Stadoù-Unanet Amerika
Doare	Revolver daou-ober (DA)
Munisionoù	.357 Magnum
Produer	Colt's Manufacturing Company
Pouez ha muzulioù (stumm 4 meutad)
Mas (hep kartouchenn)	1,077 kg
Hirder	241 mm
Hirder ar c'hanol	101 mm
Perzhioù all
Endalc'h	Taboulin 6 kartouchenn
Lezenn
Rummad e Bro-C'hall	B

Mont en-dro

Ar Colt Python a zo ur revolver daou-ober, dezhañ un daboulin 6 kartouchenn .357 Magnum. Savet eo tro-dro da framm I an embregerezh. Hirderioù kanolioù disheñvel a zo bet gwerzhet evit plijout da implijerien liesseurt (polis, siviled, sportoù tennañ) : 2,5 meutad, 3 meutad, 4 meutad, 4,25 meutad, 6 meutad pe 8 meutad. Adalek ar bloavezhioù 1970 e veze reoliet kouch pep Colt Python gant ul laser. Ar wech kentañ eo e veze graet ar reoliadur-mañ evit un arm produet a-rummad^[1]. Paouez a reas Colt da broduiñ ar revolver-mañ e 2005 met adkregiñ a rejont e 2020.^[2] Adalek ar bloavezh-se e voe kaset produiñ an arm a-drugarez da vekanikoù urzhiet en ur mod niverel a-benn izelaat ar c'houstoù. Simplaet e voe ar wikefre o tennañ 9 fezh diwarni^[3].

Hervez tud ispisializet war an armoù evel ar Saoz Ian Vernon Hogg ez eo ar Colt Python unan eus gwellañ revolverioù an istor^[4].

Implij

Abalamour d'ar Colt Python bezañ un arm koustus a-walc'h n'eo ket bet implijet kalz gant tud a-vicher war-bouez gant un nebeud servijoù polis e stadoù Colorado, Georgia ha Florida. Implijet e voe evel arm personel gant soudarded 'zo da vare Brezel Vietnam ha gant gwarded-korf kannadourien stadunanat.

Er sevenadur

• Ar Colt Python eo arm-dorn nesañ Rick Grimes, haroz an heuliad The Walking Dead^[5].
• Ar c'haner amerikan Elvis Presley a oa un dastumer armoù a blije dezhañ ar Colt Python. Unan a brenas evit e dad-kaer, al letanant-koronal Beaulieu, pa voe anvet da vont da vrezel Vietnam^[6]. Ur Colt Python engravet kaer a brofas ivez d'e ward-korf Richard Grob. Gwerzhet e voe e sav-taol e 172 500 $ e 2017 ^[7].