From Wikipedia, the free encyclopedia
Caradoc Freichfras (Caradoc kreñv e vrec'h) a voe un hendad damvojennel a dierned Gwent en defe renet er Vvet pe er VIvet kantved. Menneget eo en Danvez Breizh evel Penntiern Caradoc, ur mac'heg ag an Daol Grenn.
Displann eo an andonioù war-divout buhez Caradoc. Droukvesket eo bet get ar gouron Preden anvet Caratacos, get Cerdic a Wessex ha get penndud istorel all. Er mabinogion eo menneget evel mab da Llŷr Marini (marsen ar gouron Llŷr).
Istorourion a zo a wel Caradoc Freichfras evel an den istorel anvet Caradoc ap Ynyr, penntiern Gwent d'ar VIvet kantved, staliet e Caerwent. E anv a zo bet roet dezhañ en eñvor penntiern Caratacos hag a oa anavet mat pemp kantved diwezhatoc'h c'hoazh.
Kemer a ra perzh e avanturioù mojenn Arzhur dindan an anv a Garados Briefbras.
N'eo ket sklaer e beurheñvelder hag ar mojennoù war e zivout a vez dislavarus alies. Map Ynyr Gwent e vefe bet ha gallout a ra bout an hevelep den ha Caradoc Hen er mojennoù breizhat.
Dalc'het en defe tirioù e Breizh hag ur roue a Bro-Erec a lavarer anezhañ. E Naoned e vije bet e lez hervez lod met ur gammgemeradenn eo moarvat rak ar gêr ma oa kreizennet e zamani (Caerwent) a veze anvet Caernant ivez.
En e raok: Iddon |
Roue Gwent ![]() war-dro 470 |
War e lerc'h: Meurig ap Caradog |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.