Ampulomet

An Ampulomet (rusianeg : 125-мм ампуломёт образца 1941 года 125 mm ampoulomet obraztsa 1941 goda, berraet en Ampulomyot, ampulla mortar) a oa un arm soviedel enep-tankoù hag a vanne bannadelloù tangwaller savet diwar klogorennoù gwer 125 mm o zreuzkiz.
Er bloaz 1941 e oa bet dafaret an arm-se da gentañ, hag implijet ral a wech gant al Lu Ruz e-kerzh an Eil Brezel-bed ; ken abred hag e 1942 e oa didalvoud a-enep an tankoù^[1].

Ampulomet

Q4064513

Brezel	Eil Brezel-bed
Bro orin	Unaniezh ar Republikoù Sokialour ha Soviedel
Lakaet er servij	1941

Un ampulomet e-kichen ur vindrailherez Maxim M191 e Mirdi Emgann Stalingrad

Daou soudard finnat oc'h arnodiñ an Ampulomet e 1942

Deskrivadur

Tres un ampulomet

Savet e oa an Ampulomet diwar ur gorzenn dirizenn ha digor-frank staliet war un troad stummet evel un Y, ennañ un ahel a-led evit ma c'helljed dibab uhelder an dennadenn. Ouzh lost ar c'hanol e oa staget div zornell hag ur skeul dereziet a implijed evit bukañ. Ur c'hargad poultr a veze lakaet e lost an arm hag enaouet dre un darskoer evit erluskañ ar glogorenn wer AZh-2[2]. Er c'hlogorennoù AZh-2 e oa ur mesk 80% fosfor hag 20% sulfur hag a entane en aer en ur reiñ ur flammenn skedus 800-1000°C ha moged gwenn fetis e-pad un teir munutenn bennak. Pa dizhe un tank en em sile an dourenn entanet dre ar prenestroùigoù pe dre gaelioù ar c'heflusker evit entanañ an trelosk, dallañ ar skipailh hag e vougañ.