![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/27/Lely_Venus_BM_1963.jpg/640px-Lely_Venus_BM_1963.jpg&w=640&q=50)
Venus Lely
From Wikipedia, the free encyclopedia
Venus Lely zo un delwenn hellenek marmor, e doare Venus en he c'hluch, eus mare an Antonined.
- Troet diwar ar pennad saoznek, ha ken fonnus all. Mar kirit e c'hallit ober un astenn c'hoazh.
![Thumb image](http://upload.wikimedia.org/wikipedia/commons/thumb/2/27/Lely_Venus_BM_1963.jpg/640px-Lely_Venus_BM_1963.jpg)
![Thumb image](http://upload.wikimedia.org/wikipedia/commons/thumb/4/49/Peter_Paul_Rubens_%E2%80%93_Venus%2C_Cupid%2C_Bacchus_and_Ceres_%E2%80%93_WGA20283.jpg/640px-Peter_Paul_Rubens_%E2%80%93_Venus%2C_Cupid%2C_Bacchus_and_Ceres_%E2%80%93_WGA20283.jpg)
Da gentañ e oa e dastumad Gonzaga e Mantova, ha renablet eno e 1627[1]. Eno e voe gwelet gant Rubens a oa o chom en ti, kaset gant ar roue saoz Charles Iañ evel diplomat ha dastumer oberennoù arzel. Levezonet-bras e voe e zoare da livañ korfoù merc'hed noazh gant an delwenn-se, kement ha ken bihan ma voe diskouezet en National Gallery pa voe aozet un diskouezadeg da Rubens ("Rubens: A Master in the Making" ) adalek ar 26 a viz Here 2005 betek ar 15 a viz Genver 2006 [2] Prenet e voe digant an tiegezh Gonzaga, e 1627-28, evit Charles Iañ eta,[3] E 1631 edo e Bro-Saoz ma veze laret e oa "ar gaerañ delwenn a zo" ha priziet kement ha 6000 skoed[4].
Pa voe strewet dastumadoù arzel ar roue e-pad amzervezh Commonwealth dindan Cromwell, e tegouezhas etre daouarn al livour hag anaoudeg Peter Lely, ha setu penaos e teuas dezhi an anv Venus Lely[5] E 1682, daou vloaz war-lerc'h marv Lely, e voe kemeret eus dastumad al livour da adlakaat e dastumad ar roue, ha staliet e Palez Whitehall, a voe an tan ennañ d'ar 4 a viz Genver 1698, distrujet an ti, nemet saveteet e voe ar Venus[6].
Abaoe 2005 emañ er British Museum, war brest ha war hir dermen, goude un tamm fichañ, hag he gwelout a c'haller en trepas 23[7].