![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/Margaret_Thatcher_cropped2.png/640px-Margaret_Thatcher_cropped2.png&w=640&q=50)
There is no alternative
From Wikipedia, the free encyclopedia
Kement ha "N'eus dazeilad ebet" e talvez ar bomm saoznek There is no alternative (a vez berraet e TINA peurliesañ).
Ur frazenn distaget alies gant ar bolitikourez virourez Margaret Thatcher pa oa-hi pennmaodiernez Breizh-Veur eo, da embann ne oa dibab ebet nemet he hini e-keñver politikerezh kevredigezhel.
Astennet eo bet ster al lugan-se war tachennoù an armerzh, pa dalv n'eus hent ebet da ziorroadur ar c'hevredigezhioù arnevez nemet ar gevalaouriezh frankizour, ar marc'hadoù digor, ar c'henwerzh digor hag ar bedeladur kevalaour.
![Thumb image](http://upload.wikimedia.org/wikipedia/commons/thumb/3/3a/Margaret_Thatcher_cropped2.png/640px-Margaret_Thatcher_cropped2.png)
Poltred ofisiel
Gant ar prederour ha kevredadour saoz Herbert Spencer (1820-1903) e voe arveret da gentañ en e levr Social Statics ("Ar savoniezh kevredigezhel", 1851)[1]
Da heul he disklêriadur e voe graet "Tina" eus Margaret Thatcher gant Norman St John-Stevas, Baron St John of Fawsley — a oa mirour ivez, hag e penn Breudoù Breizh-Veur (Houses of Commons) — ha gant he enebourien. Gant "Tina" e voe lamet e garg digant ar baron e 1981.
Er frazenn-se eo dastumet, gouez da Jean Ziegler, ar gevalaouriezh a ren ar bed a vremañ. En e levr Les nouveaux maîtres du monde (2002), e lavar eo lugan an trede galloud hollveliek, goude ar volchevikouriezh hag an naziouriezh. Hervez Noam Chomsky, « en em gannañ ouzh “Tina”, zo enebiñ ouzh he c'hrog war ar speredoù ha n'haller ket he c'heñveriañ gant kampoù-bac'h pe ar goulag » rak un « gostezenn-enebiñ a zo ouzh bedhollekaat an armerzh er bed.»