Ur prefeti zo un ti, ti ur prefed, ar c'hargad lakaet gant ur Stad e penn ur rann velesdraturel. Da skouer eo lakaet ar prefed gall e penn un departamant gall gant ar Stad c'hall, ha lojet eo en ur prefeti eta. Prefetioù zo ivez en Italia, Estonia, Japan hag ar stadoù afrikat gallek.
![Thumb](http://upload.wikimedia.org/wikipedia/commons/thumb/8/84/Quimper_31_La_Pr%C3%A9fecture_et_l%27Odet.jpg/640px-Quimper_31_La_Pr%C3%A9fecture_et_l%27Odet.jpg)
E Frañs ez eus isprefeded ivez, lojet en ispretioù eta. Bez eus ivez prefeded hep prefeti, graet vez préfets hors cadre anezho e galleg, ha kantadoù a vije.
E Breizh e vez lojet ar prefeded c'hall ha/pe o melestradur e palezioù ha kastelloù an aliesañ : prefeti Penn-ar-Bed e Kemper (ur c'hastell eus deroù an XXvet kantved), prefeti Mor-Bihan e Gwened (ur c'hastell eus ar bloavezhioù 1860), prefeti Liger-Atlantel (ur c'hastell eus an XVIIIvet kantved lec'h ma oa araok Kambr ar C'hontoù Breizh), prefeti Il-ha-Gwilen ha Rannvro Breizh e Roazhon (ur palez eus an XVIIIvet kantved). N'eus nemet Prefeti Aodoù-an-Arvor e Sant-Brieg a zo ur savadur nevez awalac'h.
An isprefetioù a c'hall bezañ kestell ivez : Kastell Gwitreg, Kastell Kastell-Briant, etc.
Yezh
E galleg e vez implijet ar ger préfecture koulz evit an ti evel evit ar garg, hag ivez ar gêr m'emañ ar prefeti enni, hogen a-wechoù, evit ober ar c'hemm, e vez graet gant ville-préfecture. Dont a ra ar ger gallek-se eus ar ger latin praefectura, ur garg roet en Impalaeriezh Roma.
E brezhoneg e c'haller ober gant kêr-prefeti evit ar gêr, met peurvuiañ e vez lavaret pennlec'h departamant, pe penn-departamant, a zo daou zoare all da lavarout rik ar memes tra.
E Geriadur an Here e kinniger ober gant prefeti ivez evit ar gêr.
Ar brefediezh eo padelezh karg ar prefed, ar brefedelezh eo an tiriad.
Pennad kar
Notennoù
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.