![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/82/Roman_Orpheus_Taming_Wild_Animals.jpg/640px-Roman_Orpheus_Taming_Wild_Animals.jpg&w=640&q=50)
Orfeüs
From Wikipedia, the free encyclopedia
Orfeüs (Ὀρφεύς e gregach) a oa ur soner ha kaner eus ar re wellañ hervez mojennoù Hellaz kozh, hag un den a-bouez en istor relijion ar vro. Dont a ra an haroz eus mojennoù Trakia, ur vro amezek da Hellaz. Eno e oa "kevrinoù orfek", lidoù relijiel ha n'anaver ket, a vo diazez ar relijion orfek, pe orfeouriezh.
![Thumb image](http://upload.wikimedia.org/wikipedia/commons/thumb/8/82/Roman_Orpheus_Taming_Wild_Animals.jpg/320px-Roman_Orpheus_Taming_Wild_Animals.jpg)
![Thumb image](http://upload.wikimedia.org/wikipedia/commons/thumb/4/4d/Nymphs_finding_the_Head_of_Orpheus.jpg/640px-Nymphs_finding_the_Head_of_Orpheus.jpg)
![Thumb image](http://upload.wikimedia.org/wikipedia/commons/thumb/4/4e/Gustave_Moreau_Orph%C3%A9e_1865.jpg/640px-Gustave_Moreau_Orph%C3%A9e_1865.jpg)
Anavet e oa gant tud an Henamzer evel un den eus Trakia, eus kornad Pieria (an arvor en hanternoz da Venez Olympos), ur soner hud, hag ur beleg da z-Dionysos. Darn a gred e oa gantañ e oa bet krouet al lidoù dionizek.
![Thumb image](http://upload.wikimedia.org/wikipedia/commons/thumb/2/27/Life_of_Orpheus_Greek_Mythology_%28Extra_Details%29.svg/640px-Life_of_Orpheus_Greek_Mythology_%28Extra_Details%29.svg.png)
Adalek ar VIvet kantved kt JK e veze gwelet Orfeüs evel ar gwellañ barzh ha soner eus an Henamzer, krouer al lourenn. Gant e sonerezh e c'halle hoalañ loened ferv, lakaat gwez ha kerreg da zañsal, hag ar stêrioù da chom a-sav. Kontet eo da vezañ unan eus kaserien ar sevenadur ha da vezañ kelennet d'an dud ar skrivañ, ar medisinerezh hag al labour-douar.