Olivier de Coëtivy

Olivier de Coëtivy, ganet e 1418, marvet e 1480, a oa un aotrou gall, a orin breizhat. Kuzulier ha kambrelan ar roue gall Charlez VII e oa. Titloù ha kargoù en doa : kont Taillebourg, aotrou Royan ha Saujon, kabiten Saintes ha Talmont, ha senesal Guyenne.

Olivier de Coëtivy

den

Reizh pe jener	paotr
Anv-bihan	Olivier
Deiziad ganedigezh	1418
Deiziad ar marv	1480
Tad	Alain III de Coëtivy
Mamm	Catherine du Chastel
Breur pe c'hoar	Prigent VII de Coëtivy, Alain de Coëtivy
Pried	Marie de Valois
Bugel	Gilette de Coëtivy, Charles de Coëtivy, Comte de Taillebourg, Catherine de Coëtivy, Marguerite de Coëtivy
Familh	Q3065744
Micher	milour
Karg	Kambrelan, seneschal
Brezel	Brezel Kant Vloaz

Skoed an tiegezh de Coëtivy

Mab e oa da Alain III de Coëtivy ha Catherine du Chastel, breur da Prigent VII de Coëtivy ha da Alain IV de Coëtivy, lesanvet « le cardinal d'Avignon ».

Dimeziñ a reas da Marie de France (anvet ivet « Marie de Valois », 1444–1473), bastardez da Charlez VII ha da Agnès Sorel.

Senesal Guyenne

Adkemeret e voe Akitania digant ar Saozon gant an arme c'hall e 1451. Anvet e voe Olivier de Coëtivy da senesal Guyenne gant Charlez VII, ha da gabiten kêrioù ha kestell Saintes ha Talmont.
D'an 23 a viz Here 1452 e voe treitouret Olivier de Coëtivy gant Arnaud Bec ha prizoniet gant Louis de Brutailhs, ha kaset da Vro-Saoz, goude adkemeret Bourdel gant John Talbot, lakaeet gant Henry VI e penn an arme saoz. Dre feur-emglev e oa bet lakaet priz an daspren d'ar 15 a viz mae 1454, ha sinet gant John Talbot hag Olivier de Coëtivy, ha dieubet e voe senesal Guyenne kenkent ha paeet un darn eus an daspren en Genver 1455, ar peurrest a oa da vezañ paeet a-hed an tri bloaz goude. koulskoude, n'en dije kuitaet bro-Saoz nemet en 1458 er sizhun a-raok e eured.

Levrlennadur

• Jean Favier, Dictionnaire de la France médiévale, Fayard, 1995, (ISBN 978-2-213-03139-2) (fr)
• Georges Minois, Charles VII – Un roi shakespearien, Perrin, 2004, (ISBN 978-2-262-02127-6) (fr)

Pennad kar

• Mestr Coetivy‎