![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/f/fa/Margueritedorleans.jpg/640px-Margueritedorleans.jpg&w=640&q=50)
Marc'harid Orleañs
From Wikipedia, the free encyclopedia
Marc'harid Orleañs, anavezet evel Marguerite d'Orléans e galleg, ganet d'ar 4 a viz Kerzu 1406, ha marvet e 1466, a oa ur briñsez c'hall, kontez Vertus, ha mamm da Frañsez II, dug Breizh. Mamm-gozh Anna Vreizh e oa eta.
![Thumb image](http://upload.wikimedia.org/wikipedia/commons/thumb/f/fa/Margueritedorleans.jpg/640px-Margueritedorleans.jpg)
Merc'h e oa da Loeiz Iañ Orleañs, a oa breur d'ar roue gall Charlez VI (Bro-C'hall), ha da Valentina Visconti (1368-1408), a oa merc'h da Gian Galeazzo Visconti, Dug Milano. Merc'h-vihan ha nizez e oa war un dro d'ar rouaned c'hall Charlez V ha Charlez VI. C'hoar e oa d'ar priñs gall Charlez, Dug Orleañs, a voe prizoniet gant ar Saozon en emgann Azincourt ha dalc'het e Bro-Saoz e-pad pemp bloaz warn-ugent, amzer dezhañ da skrivañ barzhonegoù ha da zont da vezañ an eil pouezusañ barzh gallek eus ar XVvet kantved, war-lerc'h François Villon.